ព័ត៌មានអន្ដរជាតិ

រកក្រុមឈ្នះមិនឃើញ ឆ្កែមួយក្បាលនៅ ចិន រត់ទៅជួយទាញព្រ័ត្រជាមួយប៉ូលិស រហូតទទួលជ័យជម្នះ

បានផុស

២ years មុន

នៅ

ថ្ងៃពុធ ២៦ មេសា ២០២៣

ដោយ

ឃ្លិបវីដេអូនៅប្រទេសចិនបានទាក់ទាញអ្នកលេងអ៊ិនធើណេតជាច្រើន បន្ទាប់ពីសត្វឆ្កែមួយល្បាលរត់ទៅជួយក្រុមប៉ូលិសដែលកំពុងប្រកួតទាញព្រ័ត្រ រហូតម្ខាងទៀតទទួលជ័យជម្នះសឹងមិនគួរឲ្យជឿ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រឿងរ៉ាវសឹងមិនគួរឲ្យជឿមួយនេះ បានកើតឡើងនៅក្នុងប្រទេសចិនកាលពីកន្លងមក ដោយបង្ហាញពីប៉ូលិសពីរក្រុមកំពុងតែប្រកួតទាញព្រ័ត្រក្នុងន័យមិត្តភាព។ ប៉ុន្តែអស់ពេលមួយសន្ទុះធំ នៅតែមិនទាន់រកបានក្រុមឈ្នះ-ចាញ់ ខណៈកម្លាំងរបស់ភាគីទាំងសងខាងមានភាពស្មើគ្នា ហើយគ្មានសញ្ញានៃការបញ្ចប់ហ្គេមមួយមួយនេះទេ។

ទោះយ៉ាងណា ភ្លាមៗនោះដែរក្នុងពេលដែលក្រុមប៉ូលិសកំពុងប្រកួត ឆ្កែប៉ូលិសប្រភេទ Labrador Retriever ដែលកំពុងមើលការប្រកួតនៅម្ខាងទៀត ហាក់ដូចជាធុញទ្រាន់នឹងហ្គេមយូរពេក វាស្រាប់តែបង្ហាញខ្លួនជួយប្រធានក្រុមដែលនៅជួរខាងមុខនិងបានផ្លាស់ប្ដូរស្ថានភាពនៃហ្គេម ដោយក្រុមដែលវាជួយទទួលបានជ័យជម្នះមិនគួរឲ្យជឿឡើយ។

យ៉ាងណាមិញ អ្វីដែលបានកើតឡើងក្នុងឃ្លិបធ្វើឲ្យអ្នកលេងអ៊ីនធឺណិតជាច្រើនចាប់អារម្មណ៍។ វីដេអូឃ្លិបនេះបានទាក់ទាញអ្នកនិយមលេងអ៊ីនធឺណិតជាង ៣៦០,០០០ នាក់ បន្ទាប់ពីបង្ហោះនៅលើបណ្ដាញសង្គម រួមជាមួយនឹងមតិសាទរដោយនិយាយលេងសើចថា ការបរាជ័យរបស់ក្រុមម្ខាងទៀត អាចមកពីអាកប្បកិរិយាគួរឲ្យស្រលាញ់របស់ឆ្កែប៉ូលិស ដែលធ្វើឲ្យពួកគេទប់សំណើចសឹងពុំជាប់ គ្មានកម្លាំងដើម្បីប្រយុទ្ធទើបចាញ់ភាគីម្ខាងទៀតបាន៕