ព័ត៌មានអន្ដរជាតិ
មេទ័ពស៊ូដង់ យល់ព្រមចូលតុចរចា ជាមួយគូសត្រូវ
រដ្ឋមន្ត្រីការបរទេសស្តីទីនៃប្រទេសស៊ូដង់ខាងត្បូង បាននិយាយកាលពីថ្ងៃពុធទី២៦ខែមេសាថា មេទ័ពស៊ូដង់លោក Abdel Fattah Burhan បានយល់ព្រមចូលតុចរចាជាមួយមេបញ្ជាការកងកម្លាំងគាំទ្ររហ័សលោក Mohamed Hamdan Daglo។
យោងតាមក្រសួងការបរទេសស៊ូដង់ខាងត្បូង, លោកប្រធានាធិបតី Salva Kiir បានទាក់ទងទៅគូប្រជែងយោធាទាំងសងខាងរបស់ប្រទេសស៊ូដង់ សម្រាប់បទឈប់បាញ់រយៈពេល៧២ម៉ោង ដើម្បីបង្កើតបរិយាកាសអំណោយផលសម្រាប់កិច្ចចរចាសន្តិភាព។
រដ្ឋមន្ត្រីការបរទេសស្តីទីរបស់ស៊ូដង់ខាងត្បូង លោក Deng Dau Malek បានប្រាប់ប្រព័ន្ធផ្សព្វផ្សាយអារ៉ាប់ថា លោកប្រធានាធិបតី បានស្នើឲ្យឧត្តមសេនីយ៍ Burhan ជួបប្រជុំជាមួយលោក Daglo ឬតំណាងរបស់គាត់ ប៉ុន្តែមិនបានបញ្ជាក់អំពីទីតាំងនោះទេ។
លោក Malek និយាយថា “លោក Burhan បានយល់ព្រមជាគោលការណ៍ចំពោះលទ្ធភាពនៃកិច្ចពិភាក្សាជាមួយលោក Daglo។ ប្រធានាធិបតីរបស់យើងកំពុងព្យាយាមទាក់ទងទៅលោក Daglo ដើម្បីផ្តល់លទ្ធភាពនៃការជួបជាមួយលោក Burhan”។
គួរបញ្ជាក់ថា ការប៉ះទង្គិចគ្នារវាងកងទ័ពស៊ូដង់ និងកងកម្លាំងគាំទ្ររហ័ស បានផ្ទុះឡើងកាលពីថ្ងៃទី១៥ខែមេសា បន្ទាប់ពីមានភាពតានតឹងជាយូរមកហើយនៅក្នុងជួរកងទ័ព។
អង្គការសហប្រជាជាតិប៉ាន់ប្រមាណថា មនុស្សជាង៤០០នាក់បានស្លាប់ និងរាប់ពាន់នាក់ទៀតត្រូវផ្លាស់ទីលំនៅដោយសារការតស៊ូអំណាចដែលកំពុងបន្ត។
ក្រៅពីនេះ បណ្តាប្រទេសនានាបាននិងកំពុងជម្លៀសប្រជាជន និងមន្ត្រីការទូតរបស់ពួកគេចេញពីប្រទេសស៊ូដង់ចាប់តាំងពីថ្ងៃអាទិត្យមក៕
ប្រែសម្រួល៖ Vann Vann
ប្រភព៖ Sputnik
ចុចអាន៖ ជនស៊ីវិលស្លាប់និងរបួស កើនដល់ជាង ៤០០០នាក់ ក្នុងការប្រយុទ្ធគ្នានៅ ស៊ូដង់
-
ព័ត៌មានជាតិ៤ ថ្ងៃ ago
UN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
ជីវិតកម្សាន្ដ៥ ថ្ងៃ ago
លោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
ចរាចរណ៍៤ ថ្ងៃ ago
ស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
សន្តិសុខសង្គម១០ ម៉ោង ago
Update៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
នយោបាយ១ សប្តាហ៍ ago
ស៊ិន ចាន់ពៅរ៉ូហ្សិត ចេញមុខបរិហារគណបក្សភ្លើងទៀន និងសុំឱ្យពលរដ្ឋទាំងក្នុង និងក្រៅប្រទេសឈប់គាំទ្របក្សនេះតទៅទៀត
-
ព័ត៌មានជាតិ១ សប្តាហ៍ ago
អាមេរិក ស្នើឱ្យសម្ដេចតេជោចែករំលែកបទពិសោធន៍ស្វែងរកសន្តិភាព ខណៈសង្រ្គាមកំពុងឆាបឆេះតំបន់នានាលើពិភពលោក
-
ព័ត៌មានអន្ដរជាតិ១ សប្តាហ៍ ago
អ៊ុយក្រែន អះអាងថា ខ្លួនជាអ្នកសម្លាប់ប្រធាន កងកម្លាំងនុយក្លេអ៊ែររុស្ស៊ី
-
ព័ត៌មានអន្ដរជាតិ៦ ថ្ងៃ ago
នារីថៃថតវីដេអូអាសអាភាសផ្ទុកក្នុងប្រព័ន្ធបច្ចេកវិទ្យារកចំណូលជិត១៥០០ដុល្លារក្នុង១ខែ