ព័ត៌មានអន្ដរជាតិ
លោក ត្រាំ ព្រមានថា អាមេរិក នឹងអនាធិបតេយ្យ បើលោក បៃដិន ជាប់ឆ្នោតជាថ្មី
កាលពីថ្ងៃព្រហស្បតិ៍ទី២៧ខែមេសា លោក ដូណាល់ ត្រាំ បានប្តេជ្ញាបំបាក់លោក ចូ បៃដិន នៅក្នុងការបោះឆ្នោតឆ្នាំ២០២៤។

ទន្ទឹមនោះ លោក ត្រាំ ព្រមានថា សហរដ្ឋអាមេរិកនឹងធ្លាក់ចូលទៅក្នុង “ភាពអនាធិបតេយ្យ” ប្រសិនបើមហាសេដ្ឋីគណបក្សសាធារណរដ្ឋរូបនេះ មិនបានចូលកាន់តំណែងវិញទេនោះ។
ក្នុងយុទ្ធនាការឃោសនាបោះឆ្នោតនៅទីក្រុង Manchester នៃរដ្ឋ New Hampshire, លោក ត្រាំ បានប្រាប់អ្នកគាំទ្រប្រមាណ១៥០០នាក់ថា “ឥឡូវ ជម្រើសនៅក្នុងការបោះឆ្នោតនេះគឺរវាងភាពខ្លាំងឬភាពខ្សោយ រវាងជោគជ័យឬបរាជ័យ រវាងសុវត្ថិភាពឬអនាធិបតេយ្យ រវាងសន្តិភាពឬជម្លោះ និងភាពរុងរឿងឬមហន្តរាយ”។
លោក ត្រាំ បន្តថា “យើងកំពុងរស់នៅក្នុងគ្រោះមហន្តរាយ។ ជាមួយនឹងការបោះឆ្នោតរបស់អ្នកនៅថ្ងៃទី៥ខែវិច្ឆិកាឆ្នាំ២០២៤, យើងនឹងបំបាក់លោក ចូ បៃដិន និងសេតវិមាន ហើយយើងនឹងដោះស្រាយរឿងរបស់យើង”។

គួរបញ្ជាក់ថា លោក បៃដិន អាយុ ៨០ ឆ្នាំ បានប្រកាសកាលពីថ្ងៃអង្គារថា លោកនឹងឈរឈ្មោះបោះឆ្នោតអាណត្តិទីពីរក្នុងឆ្នាំ២០២៤។
ក្រោយនោះត្រឹមតែប៉ុន្មានម៉ោងប៉ុណ្ណោះ លោក ត្រាំ បានចោទប្រកាន់លោក បៃដិន ថាបានធ្វើរឿងបរាជ័យជាច្រើន រាប់ចាប់ពីការបើកព្រំដែនសហរដ្ឋអាមេរិកជាមួយម៉ិកស៊ិក ទៅដល់ការនាំពិភពលោក ឆ្ពោះទៅគែមនៃសង្គ្រាមលោកលើកទី៣។
អតីតប្រធានាធិបតីអាមេរិក ក៏បានលើកឡើងពីអតិផរណាដ៏អាក្រក់បំផុតនៅពាក់កណ្តាលសតវត្សរ៍, ការធ្លាក់ចុះប្រាក់ឈ្នួលរយៈពេល២៤ខែជាប់គ្នា, ការកើនឡើងតម្លៃប្រេងសាំង, ភាពគ្មានផ្ទះសម្បែង និងឧក្រិដ្ឋកម្ម ថាជាឧទាហរណ៍នៃបរាជ័យរបស់លោក បៃដិន ផងដែរ។
លើសពីនេះ លោក ត្រាំ បានចោទប្រកាន់លោក បៃដិន ថាយកច្បាប់ធ្វើជាអាវុធ ដើម្បីដាក់ទណ្ឌកម្មលើអ្នកគាំទ្ររបស់គាត់ទៀតផង៕
ប្រែសម្រួល៖ Vann Vann
ប្រភព៖ CNA
ចុចអាន៖ ដូណាល់ ត្រាំ ពន្លះកប់ៗមាត់ ក្រោយ ចូ បៃដិន ប្រកាសឈរឈ្មោះបោះឆ្នោតអាណត្តិទី២

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៧ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ