ព័ត៌មានអន្ដរជាតិ
អាមេរិក បដិសេធជាមេខ្លោង នៃការប៉ុនប៉ងធ្វើឃាតលោក ពូទីន ក្នុងទីក្រុងមូស្គូ
សហរដ្ឋអាមេរិក បានច្រានចោលការចោទប្រកាន់របស់រុស្ស៊ីដែលថា ខ្លួនជាមេខ្លោងនៃការវាយប្រហារដោយយន្តហោះគ្មានមនុស្សបើក លើវិមានក្រឹមឡាំងកាលពីថ្ងៃពុធទី០៣ខែឧសភា ក្នុងគោលបំណងធ្វើឃាតលោកប្រធានាធិបតី វ្ល៉ាឌីមៀរ ពូទីន។

មួយថ្ងៃបន្ទាប់ពីចោទអ៊ុយក្រែនថាបានធ្វើការវាយប្រហារនោះ អ្នកនាំពាក្យលោក ពូទីន បាននិយាយថា ទីក្រុងកៀវធ្វើរឿងនេះដោយមានការគាំទ្រពីទីក្រុងវ៉ាស៊ីនតោន។
ទោះបីជាយ៉ាងណាក៏ដោយ អ្នកនាំពាក្យសន្តិសុខជាតិអាមេរិក លោក John Kirby បានហៅការអះអាងនេះថា គួរឲ្យអស់សំណើច។ លោកនិយាយថា “សហរដ្ឋអាមេរិកមិនមានអ្វីពាក់ព័ន្ធជាមួយរឿងនេះទេ។ យើងមិនដឹងច្បាស់ថាមានអ្វីកើតឡើងនៅទីនោះឡើយ ប៉ុន្តែខ្ញុំអាចធានាដល់អ្នកថា សហរដ្ឋអាមេរិកមិនមានតួនាទីអ្វីនៅក្នុងរឿងនោះទេ”។

ចំណែក អ៊ុយក្រែនក៏និយាយដែរថា ខ្លួនមិនមានពាក់ព័ន្ធឡើយ។
យោងតាមអ្នកនាំពាក្យរបស់លោកប្រធានាធិបតី ពូទីន, ការវាយប្រហារគឺកំណត់គោលដៅលើវិមានក្រឹមឡាំង ដែលជាអគាររដ្ឋាភិបាលដ៏ធំមួយនៅកណ្តាលទីក្រុងមូស្គូ។
ហើយនៅថ្ងៃព្រហស្បតិ៍ អ្នកនាំពាក្យវិមានក្រឹមឡាំង លោក Dmitry Peskov បាននិយាយថា សហរដ្ឋអាមេរិកពិតជានៅពីក្រោយការវាយប្រហារនេះ ប៉ុន្តែមិនផ្តល់ព័ស្តុតាងឡើយ។
លោក Peskov និយាយថា “ការសម្រេចចិត្តបើកការវាយប្រហារបែបនេះ មិនមែនធ្វើឡើងនៅក្នុងទីក្រុង កៀវ ទេ ប៉ុន្តែគឺនៅក្នុងទីក្រុងវ៉ាស៊ីនតោន”៕
ប្រែសម្រួល៖ Vann Vann
ប្រភព៖ BBC
ចុចអាន៖ រុស្ស៊ី ថា អ៊ុយក្រែន ប៉ុនប៉ងសម្លាប់លោក ពូទីន ដោយប្រើយន្តហោះដ្រូន

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៧ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ