ស្តេច Charles ទី៣ ឡើងគ្រងរាជ្យសម្បត្តិក្នុងពិធីជាប្រវត្តិសាស្ត្ររបស់ ចក្រភពអង់គ្លេស

កាលពីថ្ងៃសៅរ៍ទី៦ខែឧសភា ស្តេច Charles ទី៣ របស់ចក្រភពអង់គ្លេសបានឡើងគ្រងរាជ្យសម្បត្តិនៅព្រះវិហារ Westminster Abbey នាទីក្រុងឡុងដ៍ ក្នុងពិធីដ៏អស្ចារ្យមួយដែលមានការចូលរួមពីសំណាក់មេដឹកនាំ និងឥស្សរជនមកពីទូទាំងពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងពិធីដែលរៀបចំឡើងតាមបែបបុរាណ ព្រះអង្គម្ចាស់ Charles ត្រូវបានលាបដោយប្រេងយកមកពីភ្នំអូលីវក្នុងក្រុងហ្សេរុយសាឡិម ហើយថ្វាយដុំមាស និងដំបងរាជ្យ ដែលប្រគល់ឲ្យស្តេចអង់គ្លេសតាំងពីសតវត្សរ៍ទី១៧មកម្ល៉េះ។ ព្រះអង្គក៏ត្រូវបានថ្វាយខ្នាយ និងខ្សែដៃមាស ព្រមទាំងដាវចំនួនប្រាំផងដែរ មុនពេលអាចារ្យនៃ Canterbury Justin Welby ដាក់មកុដមាសលើព្រះសិរសារបស់ទ្រង់។

រំពេចនោះ សំឡេងត្រែបានបន្លឺឡើង ហើយការបាញ់កាំភ្លើង ត្រូវបានធ្វើឡើងពាសពេញចក្រភពអង់គ្លេស។

ក្រោយពេលចាកចេញពីព្រះវិហារ ព្រះរាជាបានបន្តព្រះរាជដំណើរតាមរទេះមាស ឆ្ពោះទៅកាន់ព្រះបរមរាជវាំង Buckingham ខណៈប្រជាជនឈរតាមដងផ្លូវ នាំគ្នាអបអរសាទរ។

គួរបញ្ជាក់ថា ព្រះអង្គម្ចាស់ Charles នឹងគ្រប់គ្រងចក្រភពអង់គ្លេស ដែលមានការផ្លាស់ប្តូរយ៉ាងធំធេងចាប់តាំងពីព្រះមាតាគឺម្ចាស់ក្សត្រី Elizabeth ទី២ ឡើងសោយរាជ្យក្នុងឆ្នាំ១៩៥៣៕

ប្រែសម្រួល៖ Vann Vann

ប្រភព៖ RT

ចុចអាន៖ ស្តេច Charles អង់គ្លេស ត្រូវគេគប់ស៊ុតដាក់