ព័ត៌មានអន្ដរជាតិ
វៀតណាម ជួបអាកាសធាតុក្តៅខ្លាំងបំផុត មិនធ្លាប់មានសោះក្នុងប្រវត្តិសាស្រ្ត
កាលពីរសៀលថ្ងៃសៅរ៍ទី៦ខែឧសភា ឃុំ Hoi Xuan ក្នុងខេត្ត Thanh Hoa បានកត់ត្រាសីតុណ្ហភាព ៤៤អង្សាសេ ដែលជាកម្រិតខ្ពស់បំផុតមិនធ្លាប់មានសោះនៅក្នុងប្រវត្តិសាស្រ្តប្រទេសវៀតណាម។
![](https://www.kampucheathmey.com/wp-content/uploads/2023/05/image-287-1024x614.png)
មជ្ឈមណ្ឌលជាតិសម្រាប់ការព្យាករឧតុនិយមបាននិយាយថា សីតុណ្ហភាពនៅឃុំ Hoi Xuan បានបំបែកកំណត់ត្រាចាស់ ៤៣.៣ អង្សាសេកាលពីថ្ងៃទី២០ខែមេសាឆ្នាំ២០១៩ នៅស្រុក Huong Khe ក្នុងខេត្ត Ha Tinh។
ទន្ទឹមនោះ សីតុណ្ហភាពនៅស្រុក Lac Son ក្នុងខេត្ត Hoa Binh និងតំបន់មួយចំនួនក្នុងខេត្ត Nghe An កាលពីថ្ងៃសៅរ៍ ក៏បានឡើងលើស៤៣អង្សាផងដែរ។
ក្រៅពីនេះ ខេត្តចំនួន១៧ផ្សេងទៀតនៅភាគខាងជើងនិងកណ្តាល ដែលឡើងកម្តៅលើស៤០អង្សាសេ ក៏រួមមានទាំងខេត្ត Quang Tri, Lao Cai, Ha Giang, Ninh Binh, Quang Binh និង Phu Yen ផងដែរ ខណៈទីក្រុងហាណូយ មានតំបន់ពីរដែលសីតុណ្ហភាពឡើងលើស៤០អង្សាសេ។
![](https://www.kampucheathmey.com/wp-content/uploads/2023/05/image-288-1024x580.png)
ចំណែកខេត្តផ្សេងទៀតក្រៅពីនេះ គឺមានសីតុណ្ហភាពចន្លោះពី ៣៥ទៅ៣៩ អង្សាសេ។
លោក Nguyen Van Huong ប្រធានផ្នែកព្យាករអាកាសធាតុនៅមជ្ឈមណ្ឌលជាតិសម្រាប់ការព្យាករឧតុនិយមបាននិយាយថា នេះអាចជារលកកម្តៅខ្លាំងបំផុតក្នុងខែឧសភា ដែលបណ្តាលមកពីឥទ្ធិពលទ្វេដងនៃរលកក្តៅនៅទិសខាងលិច និងឥទ្ធិពលខ្យល់ Foehn។
ស្របពេលជាមួយនោះដែរ ទីភ្នាក់ងារឧតុនិយមបានព្រមានថា អាកាសធាតុក្តៅ និងសំណើមទាបអាចបង្កើនហានិភ័យនៃអគ្គិភ័យ និងការផ្ទុះនានា ដោយសារតែការកើនឡើងនៃតម្រូវការអគ្គិសនី ក៏ដូចជាភ្លើងឆេះព្រៃផងដែរ។
លើសពីនេះ អាកាសធាតុក្តៅក៏អាចបណ្តាលឲ្យមនុស្សខ្សោះជាតិទឹក អស់កម្លាំង និងដាច់សរសៃឈាមខួរក្បាលផងដែរ៕
ប្រែសម្រួល៖ Vann Vann
ប្រភព៖ VN Express
ចុចអាន៖ អ្នកជំនាញព្រមានថា ថៃ នឹងរងគ្រោះដោយអាកាសធាតុកាន់តែក្តៅខ្លាំង
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១៨ ម៉ោង ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៣ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៣ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
សន្តិសុខសង្គម១ សប្តាហ៍ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ជីវិតកម្សាន្ដ៧ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៧ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?