ព័ត៌មានអន្ដរជាតិ
មនុស្សមួយក្រុមកំពុងចាំឡានក្រុង តែត្រូវរថយន្តបុករះ ស្លាប់៧នាក់នៅរដ្ឋតិចសាស់
មនុស្សចំនួន៧នាក់បានស្លាប់ និង៤នាក់ទៀតរងរបួស ក្នុងហេតុការណ៍រថយន្ត SUV បើកបុករះហ្វូងមនុស្សដែលកំពុងរង់ចាំឡានក្រុង នៅហាងក្រៅមណ្ឌលជនចំណាកស្រុកនិងអ្នកគ្មានផ្ទះសម្បែងក្នុងទីក្រុង Brownsville នៃរដ្ឋតិចសាស់។

យោងតាមប៉ូលិសក្រុង Brownsville លោក Martin Sandoval បានឲ្យដឹងថា អ្នកបើករថយន្ត Range Rover បុកមនុស្សលើចិញ្ចើមផ្លូវនៅខាងក្រៅមណ្ឌល Ozanam ត្រូវបានចាប់ខ្លួនពីបទបើកបរមិនប្រុងប្រយ័ត្ន ហើយការចោទប្រកាន់បន្ថែមទៀតនឹងត្រូវបានធ្វើឡើង។ លោក Sandoval ប្រាប់អ្នកសារព័ត៌មានថា ការបើកបុកនេះ ហាក់ដូចជាធ្វើឡើងដោយចេតនា។
វីដេអូនៃគ្រោះថ្នាក់ចរាចរណ៍ ដែលគេបង្ហោះក្នុងបណ្តាញសង្គម បានបង្ហាញពីរថយន្តបើកក្នុងល្បឿនលឿន ទៅបុកមនុស្សនៅចិញ្ចើមផ្លូវប៉ើងឡើងលើ បន្ទាប់មក រថយន្តក៏បានក្រឡាប់។

អភិបាលក្រុង Brownsville លោក Trey Mendez បានចេញសេចក្តីថ្លែងការណ៍មួយដែលបញ្ជាក់ថា អ្នកស្លាប់គឺជាជនចំណាកស្រុកនៅមណ្ឌល Ozonam។
ទោះបីជាយ៉ាងណាក៏ដោយ ភ្លាមៗនោះ មនុស្សជាច្រើនបានចាត់ទុកឧបទ្ទវហេតុនេះជា “ឧក្រិដ្ឋកម្មស្អប់ខ្ពើម” ខណៈរបាយការណ៍ដំបូងបង្ហាញថា អ្នកបើកបរគឺជាអ្នកនិយាយភាសាអេស្ប៉ាញ។
គួរបញ្ជាក់ថា Brownsville គឺជាទីក្រុងមួយក្នុងចំណោមទីក្រុងនៅចុងភាគខាងត្បូងរដ្ឋតិចសាស់ និងជាកន្លែងពេញនិយមសម្រាប់ជនចំណាកស្រុក ដែលចូលមកពីប្រទេសម៉ិកស៊ិក៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ ខ្មាន់កាំភ្លើង បាញ់ប្រហារនៅផ្សារទំនើបរដ្ឋតិចសាស់ សម្លាប់មនុស្សច្រើននាក់

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៨ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ