ព័ត៌មានអន្ដរជាតិ

EU គ្រោងដាក់ទណ្ឌកម្មលើក្រុមហ៊ុន ចិន ដែលជួញដូរទំនិញពាក់ព័ន្ធការផលិតអាវុធទៅឲ្យ រុស្ស៊ី

បានផុស

២ years មុន

នៅ

ថ្ងៃអង្គារ ៩ ឧសភា ២០២៣

ដោយ

សហភាពអឺរ៉ុប (EU) គ្រោងនឹងដាក់ទណ្ឌកម្មលើក្រុមហ៊ុនចិនចំនួន ៧ ដែលបានធ្វើពាណិជកម្មជាមួយរុស្ស៊ី បន្ទាប់ពីក្រុមហ៊ុនទាំងនោះត្រូវបានចោទពីបទជួញដូរទំនិញដែលគាំទ្រដល់ការផលិតអាវុធរបស់ទីក្រុងមូស្គូ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណា គម្រោងដាក់ទណ្ឌកម្មនេះនឹងត្រូវលើកយកមកពិភាក្សានៅក្នុងសប្តាហ៍នេះ ហើយក្នុងចំណោមក្រុមហ៊ុនទាំង ៧ នោះ មានក្រុមហ៊ុន 3HC និងក្រុមហ៊ុនបច្ចេកវិទ្យា King-Pai Technology មកពីចិនដីគោក ខណៈក្រុមហ៊ុន ៥ ទៀត រួមមាន Sinno Electronics, Sigma Technology, Asia Pacific Links, Tordan Industry និង Alpha Trading Investments មកពីហុងកុង ។

ពាក់ព័ន្ធនឹងការដាក់ទណ្ឌកម្មនេះដែរ គណៈកម្មាការអឺរ៉ុបជឿជាក់ថា វាគឺសមស្របដើម្បីកំណត់គោលដៅពិតប្រាកដនៃអង្គភាពមួយចំនួននៅក្នុងប្រទេសទី ៣ ដែលពាក់ព័ន្ធនឹងការគេចវេសពីការរឹតបន្តឹងពាណិជ្ជកម្មប្រឆាំងនឹងប្រទេសរុស្ស៊ី ។

ទោះបីជា EU គ្រោងដាក់ទណ្ឌកម្មលើក្រុមហ៊ុនចិនក៏ដោយ ប៉ុន្តែមិនទាន់មានព័ស្តុតាងណាមួយដែលបញ្ជាក់ថា ចិនបញ្ជូនអាវុធឲ្យរុស្ស៊ីដូចដែលពួកគេធ្លាប់សង្ស័យនោះឡើយ ។

គួរឲ្យដឹងដែរថា បច្ចុប្បន្នប្រទេសរុស្ស៊ីកំពុងតែទទួលរងការដាក់ទណ្ឌកម្មពាណិជ្ជកម្មចំនួន ១០ ដងមកហើយ ពីសំណាក់ EU ដោយសារតែប្រតិបត្តិការសឹករបស់ខ្លួនទៅលើអ៊ុយក្រែនដែលផ្ទុះឡើងកាលពីខែកុម្ភៈឆ្នាំមុន ៕

ប្រែសម្រួល៖ នាង រតនៈ

ប្រភព ៖ RT

ចុចអាន ៖ លោក Zelensky ថា រុស្ស៊ី នឹងចាញ់សង្គ្រាមដូចពួកណាស៊ី កាលពីសង្គ្រាម លោក