ព័ត៌មានអន្ដរជាតិ
ធ្លាយវីដេអូសម្ងាត់ គ្រូពេទ្យក្រុងអ៊ូហានសារភាពថា ពួកគេត្រូវបានប្រាប់ឲ្យនិយាយកុហកអំពីវីរុសកូរ៉ូណា
ក្រុមគ្រូពេទ្យចិនត្រូវបានគេលួចថតនៅពេលពួកគេសារភាពថា ពួកគេដឹងថាវីរុសកូរ៉ូណាមានគ្រោះថ្នាក់ប៉ុនណា ពេលវាចាប់ផ្តើមបង្កការបំផ្លិចបំផ្លាញក្នុងទីក្រុង អ៊ូហាន ប៉ុន្តែនិយាយថា ពួកគេត្រូវបានគេប្រាប់ឲ្យនិយាយកុហកអំពីរឿងនេះ។
អ្នកជំនាញផ្នែកវេជ្ជសាស្ត្រនៅទីក្រុងអ៊ូហាននិយាយថា ពួកគេដឹងអំពីការស្លាប់ដោយសារវីរុសនេះកាលពីដើមខែធ្នូឆ្នាំ២០១៩ ប៉ុន្តែនៅពាក់កណ្តាលខែមករាទើបប្រទេសចិនជូនដំណឹងដល់អង្គការសុខភាពពិភពលោកអំពីការស្លាប់។
ពួកគេក៏ដឹងផងដែរថា វីរុសនេះបានឆ្លងរវាងមនុស្សនិងមនុស្សប៉ុន្តែមន្ទីរពេទ្យ ត្រូវបានគេប្រាប់កុំឲ្យនិយាយការពិត ហើយការអំពាវនាវឲ្យលុបចោលពិធីបុណ្យចូលឆ្នាំចិនត្រូវបានច្រានចោល ពីព្រោះអាជ្ញាធរចង់បង្ហាញថា សង្គមចិនប្រកបដោយភាពសុខដុមរមនានិងរីកចម្រើន។
សក្ខីកម្មថ្មីដែលត្រូវបានចាក់ផ្សាយនៅក្នុងឯកសារ Outbreak: The Virus That Shook The World របស់ទូរទស្សន៍ ITV បានកើតឡើងចំពេលប្រទេសចិនបដិសេធថា ខ្លួនមិនបានបិទបាំងរោគរាតត្បាតនេះនៅថ្ងៃដំបូងរបស់ខ្លួននោះទេ។
វាក៏កើតឡើងផងដែរចំពេលមានសម្ពាធកាន់តែខ្លាំងឡើងលើប្រទេសចិន បន្ទាប់ពីក្រុមរបស់ WHO បាននិយាយកាលពីថ្ងៃចន្ទថា ទីក្រុងប៉េកាំងយឺតពេកក្នុងការឆ្លើយតបទៅនឹងការផ្ទុះឡើងនេះ។
ឃ្លីបវីដេអូនេះក៏ជាភស្តុតាងមួយទៀតដែលថា ប្រទេសចិនបានកុហកពិភពលោកអំពីដំណាក់កាលដំបូងនៃការផ្ទុះឡើងនៃវីរុសកូរ៉ូណា មុនពេលវាក្លាយជាជំងឺរាតត្បាតជាសកល។
នៅថ្ងៃទី៣១ខែធ្នូឆ្នាំ២០១៩ ប្រទេសចិនបានជូនដំណឹងដល់ WHO អំពីការឆ្លង២៧ករណីដំបូងនៃជំងឺដែលពេលនោះមិនទាន់មានឈ្មោះ ដោយពុំមានរបាយការណ៍អំពីការស្លាប់ទេរហូតដល់ពាក់កណ្តាលខែមករា៕
ប្រែសម្រួលដោយ៖ Vann Vann
ប្រភព៖ Daily Mail
ចុចអាន៖ ចិននិងអាមេរិក ឈ្លោះគ្នានៅ WHO រឿងបេសកកម្មរកប្រភពដើមកូវីដក្នុងទីក្រុង អ៊ូហាន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ