ព័ត៌មានអន្ដរជាតិ
រុស្ស៊ី និងអ៊ុយក្រែន ប្រារព្ធទិវាជ័យជម្នះក្នុងស្ថានភាពខុសពីអតីតកាល
កន្លងមកជនជាតិរុស្សី និងអ៊ុយក្រែនធ្លាប់ប្រារព្ធពិធីជ័យជម្នះលើពួកណាស៊ីអាល្លឺម៉ង់រួមគ្នានៅក្នុង “ទិវាជ័យជម្នះ ៩ ឧសភា” ប៉ុន្តែកាលពីថ្ងៃអង្គារ ប្រទេសទាំងពីរបានរៀបចំទិវានេះនៅក្នុងវិធីផ្សេងៗគ្នា ខុសកាលពីអតីតកាល ។
ប្រជាជនរុស្ស៊ីចាត់ទុកទិវាជ័យជម្នះ ជាថ្ងៃបុណ្យសាសនាដ៏សំខាន់បំផុតរបស់ពួកគេ ហើយមនុស្សជាច្រើនក៏បានចេញទៅកាន់ទីតាំងនៃក្បួនដង្ហែយោធានៅទីលានក្រហមផងដែរ ។
ប៉ុន្តែសម្រាប់ឆ្នាំនេះ ការរៀបចំទិវាជ័យជម្នះនៅទីក្រុងមូស្គូ និងក្នុងទីក្រុងផ្សេងទៀត បានកាត់បន្ថយការប្រារព្ធ និងលុបចោលពិធីមួយចំនួន ដោយសារតែមានការព្រួយបារម្ភអំពីសន្តិសុខ ក្រោយការវាយប្រហារដោយយន្តហោះដ្រូនមកលើវិមានក្រឹមឡាំង ។
ប្រធានាធិបតីរុស្ស៊ីលោក វ្ល៉ាឌីមៀរ ពូទីន បានឆ្លៀតឱកាសនោះនិយាយការពារអ្វីដែលលោកហៅថា “ប្រតិបត្តិការយោធាពិសេស” ហើយបានបង្ហាញពីភាពត្រឹមត្រូវនៃសង្គ្រាមលុកលុយរបស់លោកទៅលើអ៊ុយក្រែនផងដែរ ។ ទោះយ៉ាងណា លោក ពូទីន បានលើកឡើងថា “សព្វថ្ងៃនេះ អរិយធម៌គឺជាចំណុចរបត់ដ៏សំខាន់ម្ដងទៀត ហើយសង្គ្រាមពិតប្រាកដមួយបានផ្ទុះឡើងម្តងទៀតប្រឆាំងនឹងមាតុភូមិរបស់យើង” ។
ដោយឡែក ប្រធានាធិបតីអ៊ុយក្រែនលោក វ៉ូឡូឌីមៀរ ហ្សេលេនស្គី បានប្រារព្ធទិវាជ័យជម្នះ ដោយការស្វាគមន៍ប្រធានគណៈកម្មការអឺរ៉ុបលោកស្រី Ursula von der Leyen ដែលបានដំណើរទស្សនកិច្ចទៅកាន់ទីក្រុងកៀវ ។ លោក ហ្សេលេនស្គី បាននិយាយថា ចាប់ពីពេលនេះតទៅ ប្រជាជនអ៊ុយក្រែនរបស់លោក នឹងផ្តល់កិត្តិយសដល់ប្រជាជនអឺរ៉ុបផ្សេងទៀតសម្រាប់ការគាំទ្ររបស់ពួកគេចំពោះអ្វីដែលហៅថា “ទិវាអឺរ៉ុប” ។
ស្របពេលជាមួយគ្នានេះ លោក ហ្សេលេនស្គី បានអះអាងថា វាគឺដល់ពេលហើយដើម្បីបើកការពិភាក្សាអំពីសមាជិកភាពរបស់អ៊ុយក្រែននៅក្នុងសហភាពអឺរ៉ុប ខណៈមេដឹកនាំនៃប្លុកនេះបានដាក់ប្រទេសរបស់គាត់នៅលើផ្លូវសម្រាប់សមាជិកភាពមួយនេះយូរយារណាស់មកហើយ ប៉ុន្តែពួកគេមិនទាន់ចាប់ផ្តើមការចរចាណាមួយនៅឡើយទេ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
-
ព័ត៌មានអន្ដរជាតិ២ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៧ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ