ព័ត៌មានអន្ដរជាតិ
បក្សភឿថៃរបស់កូនស្រីលោក ថាក់ស៊ីន ដាក់ចេញលក្ខខណ្ឌចំនួន ៣ បើបង្កើតរដ្ឋាភិបាលចម្រុះ
មេគ្រួសារបក្សភឿថៃ និងជាបេក្ខជននាយករដ្ឋមន្ត្រីលោកស្រី ផេថងថាន ស៊ីណាវ៉ាត់ត្រា បានប្រកាសដាក់ចេញលក្ខខណ្ឌចំនួន ៣ សម្រាប់គណបក្សក្នុងការបង្កើតរដ្ឋាភិបាលចម្រុះ ដោយលក្ខខណ្ឌមួយក្នុងចំណោមលក្ខខណ្ឌចំនួន ៣ នោះគឺ គណបក្សភឿថៃត្រូវគ្រប់គ្រងគ្រប់ក្រសួងធំៗទាំងអស់ ។

នៅក្នុងបទសម្ភាសន៍តាមរយៈការ Live លើបណ្ដាញ TikTok និង Instagram រយៈពេល ១ ម៉ោង, លោកស្រី ផេថងថាន បាននិយាយថា ការសន្យាក្នុងយុទ្ធនាការឃោសនាបោះឆ្នោតរបស់គណបក្សភឿថៃ នឹងក្លាយជាការពិតទាំងអស់ ជាពិសេសការប្តេជ្ញារបស់គណបក្ស ក្នុងការលើកកម្ពស់ជីវភាពរស់នៅរបស់ប្រជាជន និងលើកកម្ពស់ អាជីវកម្មរបស់ពួកគេជាដើម ។
លោកស្រីក៏បានសន្យាដែរថា ការប្រើប្រាស់គ្រឿងញៀនខុសច្បាប់ នឹងត្រូវកាត់បន្ថយពាក់កណ្តាលក្នុងរយៈពេល ៦ ខែដំបូងនៃការកាន់អំណាចរបស់គណបក្សភឿថៃ ។ លោកស្រីបញ្ជាក់ថា “បក្សភឿថៃដឹងពីបញ្ហារបស់ប្រទេសជាតិ ហើយក៏ដឹងពីរបៀបដោះស្រាយបញ្ហាទាំងនោះផងដែរ ដូច្នេះឥឡូវនេះបក្សភឿថៃ គឺជាជម្រើសដ៏ល្អបំផុតសម្រាប់ប្រទេសជាតិ” ។

ទន្ទឹមនោះ កូនស្រីរបស់លោក ថាក់ស៊ីន រូបនេះអះអាងទៀតថា គណបក្សភឿថៃនឹងមិនរួបរួមជាមួយបក្សរបស់លោកនាយករដ្ឋមន្ត្រី ប្រាយុទ្ធ ចាន់អូចា និងលោកឧត្តមសេនីយ៍ ប្រាវីត វង់ស៊ូវ៉ាន់ នោះទេ ។
ទោះបីជា ការបោះឆ្នោតនៅសល់ប៉ុន្មានថ្ងៃទៀតក៏ដោយ ក៏គណបក្សភឿថៃមានទំនុកចិត្តថា នឹងអាចបង្កើតរដ្ឋាភិបាលបន្ទាប់ ហើយត្រៀមខ្លួនដើម្បីធ្វើការជាមួយគណបក្សផ្សេងទៀតក្រោមលក្ខខណ្ឌចំនួន ៣ នេះ ។
គួរបញ្ជាក់ថា នៅក្នុងការបោះឆ្នោតនាថ្ងៃទី១៤ ខែឧសភា ខាងមុខនេះ អ្នកបោះឆ្នោតថៃនឹងត្រូវគូសលើសន្លឹកឆ្នោតចំនួន ២ គឺសន្លឹកឆ្នោតមួយសម្រាប់បេក្ខជននៅក្នុងមណ្ឌល និងសន្លឹកឆ្នោតមួយទៀត សម្រាប់គណបក្សនយោបាយដែលពួកគេពេញចិត្ត ៕

ប្រែសម្រួលដោយ ៖ ជីវ័ន្ត
ប្រភព ៖ Bangkok Post

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៧ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ