ថៃ ព្រមានអំពីជំនន់ទឹកភ្លៀងនៅ ៩ខេត្ត

មជ្ឈមណ្ឌល​ជលសាស្រ្តថៃ បាន​ព្រមាន​ប្រជាពលរដ្ឋ​ក្នុង​ខេត្ត​ចំនួន៩ នៅ​ប៉ែក​ខាងជើង និង​ឦសាន ឲ្យ​ប្រុង​ប្រយ័ត្ន​ចំពោះគ្រោះ​ទឹកជំនន់ និង​ជំនន់​ទឹកភ្លៀង ចាប់ពី​ថ្ងៃ​សុក្រទី១២ ដល់​ថ្ងៃអាទិត្យទី១៤ខែឧសភា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការព្រមាន, ភ្លៀងធ្លាក់ខ្លាំងនេះ គឺបណ្តាលមកពីព្យុះត្រូពិក។

មជ្ឈមណ្ឌលនិយាយថា ប្រព័ន្ធសម្ពាធទាបនៅឈូងសមុទ្រ Bengal ផ្នែកខាងក្រោម ទំនងជាប្រែក្លាយទៅជាព្យុះត្រូពិក មុនពេលផ្លាស់ទីទៅភាគពាយព្យឆ្ពោះទៅកាន់សមុទ្រ Andaman ខាងលើ។

លើសពីនេះ មជ្ឈមណ្ឌលក៏បានជំរុញឲ្យស្ថាប័នពាក់ព័ន្ធ តាមដានស្ថានភាពអាកាសធាតុ និងទឹកផងដែរ ហើយត្រូវរៀបចំផែនការទប់ទល់នឹងទឹកជំនន់។

គួរបញ្ជាក់ថា ខេត្តទាំង៩ដែលថៃ ព្រមានអំពីគ្រោះ​ទឹកជំនន់រួមមាន៖ Phetchabun, Kalasin, Khon Kaen, Chaiyaphum, Maha Sarakham, Yasothon, Nong Bua Lamphu, Si Sa Ket និង Ubon Ratchathani៕

ប្រែសម្រួល៖ Vann Vann

ប្រភព៖ Nation

ចុចអាន៖ ព្យុះ២ នឹងវាយប្រហារប្រទេសថៃ ចំថ្ងៃបោះឆ្នោត