រុស្ស៊ី ថា លោក Zelensky នឹងមានជោគវាសនាចុងក្រោយដូច Hitler

មេដឹកនាំអ៊ុយក្រែន លោក Vladimir Zelensky អាចមានជោគវាសនាដូចគ្នាទៅនឹងមេដឹកនាំផ្តាច់ការណាស៊ី Adolf Hitler។ នេះបើតាមការអះអាងរបស់អតីតប្រធានាធិបតីរុស្ស៊ី លោក Dmitry Medvedev កាលពីថ្ងៃសុក្រទី១២ខែឧសភា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Medvedev បានគូសបញ្ជាក់បែបនេះ ​ជាការ​ឆ្លើយ​តប​ទៅ​នឹង​ការ​លើក​ឡើង​របស់​លោក Zelensky ដែល​ថា ​ចុងក្រោយ មន្ត្រី​វិមាន​ក្រឹមឡាំង ​នឹង​ជួបរឿងដ៏​សោកសៅ។

លោក Hitler បានធ្វើអត្តឃាតនៅដំណាក់កាលចុងក្រោយនៃសង្គ្រាមលោកលើកទី២ ពេលដែលកងទ័ពសូវៀតវាយលុកទីក្រុងបែរឡាំង។ ពេលនេះ លោក Medvedev បានបង្ហោះនៅលើ Telegram ថា “យើងមិនដឹងថាអ្នកណានឹងជួបទីបញ្ចប់ដ៏សោកសៅនោះទេ ប៉ុន្តែលោក Medvedev អះអាងថា លោក Zelensky អាចមានជោគវាសនាដូចគ្នាទៅនឹង Adolf Hitler។

គួរបញ្ជាក់ថា រឿងនេះ កើតឡើងតិចជាងពីរសប្តាហ៍ បន្ទាប់ពីការវាយប្រហារដោយយន្តហោះគ្មានមនុស្សបើកលើវិមានក្រឹមឡាំង ដែលទីក្រុងមូស្គូចាត់ទុកថាជាការប៉ុនប៉ងធ្វើឃាតលោកប្រធានាធិបតីវ្ល៉ាឌីមៀរ ពូទីន និងថានោះជាអំពើភេរវកម្ម។

រុស្ស៊ី​បាន​ចោទ​ក្រុង​កៀវ​ថា​រៀបចំ​ការ​វាយ​ប្រហារ​ ហើយ​​និយាយ​ថា ខ្លួន​រក្សា​សិទ្ធិ​ក្នុង​ការ​ឆ្លើយ​តប​តាម​ការ​យល់​ឃើញ​របស់​ខ្លួន។ ទោះបីជាយ៉ាងណាក៏ដោយ អ៊ុយក្រែន​បាន​បដិសេធ​រាល់​ការ​ជាប់​ពាក់ព័ន្ធ​ក្នុង​ឧប្បត្តិហេតុ​នោះ៕

ប្រែសម្រួល៖ Vann Vann

ប្រភព៖ RT

ចុចអាន៖ លោក Medvedev ៖ ក្រោយការវាយប្រហារលើវិមានក្រឹមឡាំងហើយ រុស្ស៊ី គ្មានជម្រើសអ្វីក្រៅពីកម្ចាត់លោក Zelensky ទេ