ព្យុះស៊ីក្លូន Mocha វាយប្រហារប្រទេស បង់ក្លាដែស និងមីយ៉ាន់ម៉ា ពេញទំហឹង

ព្យុះស៊ីក្លូនដ៏មានឥទ្ធិពលឈ្មោះ Mocha បានវាយប្រហារឆ្នេរសមុទ្រនៃប្រទេសបង់ក្លាដែស និងមីយ៉ាន់ម៉ា បន្ទាប់ពីនាំមកជាមួយនូវភ្លៀងធ្លាក់ និងខ្យល់បក់ខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅប្រទេសបង់ក្លាដែស, ដោយសារតែកម្លាំងរបស់ព្យុះនេះ ជម្រកជាង១៣០០ នៅតំបន់ Cox’s Bazar ដែលជាជំរំជនភៀសខ្លួនធំបំផុតរបស់ពិភពលោក គឺត្រូវបានបំផ្លាញ។

ស្របពេលជាមួយគ្នានោះ មនុស្សចំនួន៥នាក់ ត្រូវបានរាយការណ៍ថាស្លាប់ នៅក្នុងប្រទេសមីយ៉ាន់ម៉ា ខណៈបំណាក់ដី និងទឹកជំនន់ ក៏កំពុងវាយលុកនៅទីនោះផងដែរ។

មុនពេលព្យុះមកជិត ប៉ូលិសបានចេញល្បាតនៅតាមឆ្នេរសមុទ្រក្នុងទីក្រុង Cox’s Bazar ដោយព្រមានមនុស្សឲ្យមានការប្រុងប្រយ័ត្ន។ ក្រោយមក មនុស្ស​រាប់​ពាន់​នាក់ ​បាន​សម្រុក​ចូល​សាលា​រៀន​មួយ​ក្នុង​ទីក្រុង ​ដែលត្រូវ​បាន​ប្រែ​ក្លាយ​ទៅ​ជា​ជម្រក​បណ្ដោះ​អាសន្ន​ ហើយអាជ្ញាធរនៅទីនោះ បានជម្លៀសមនុស្សជាង៥សែននាក់ចេញពីផ្ទះរបស់ពួកគេ។

ក្រុមអ្នកព្យាករបានព្រមានថា ព្យុះស៊ីក្លូន Mocha អាចជាព្យុះដ៏មានឥទ្ធិពលបំផុត ដែលប្រទេសបង់ក្លាដែស មិនធ្លាប់ជួបប្រទះសោះ ក្នុងរយៈពេលជិតពីរទសវត្សរ៍មកនេះ។ ព្យុះនេះ ក៏បានវាយលុកខ្លាំងក្លា​នៅប្រទេសជិតខាងមីយ៉ាន់ម៉ាផងដែរ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ ព្យុះស៊ីក្លូនដ៏គ្រោះថ្នាក់ កំពុងបោះពួយ ទៅវាយប្រហារ ជំរំជនភៀសខ្លួនធំបំផុតរបស់ ពិភពលោក