ប្រជាជនថៃ រាប់ម៉ឺននាក់ ចេញអបអរជ័យជម្នះរបស់គណបក្ស ចលនាឆ្ពោះទៅមុខ

នៅថ្ងៃអង្គារទី១៦ខែឧសភា មនុស្សរាប់ម៉ឺននាក់ បានចេញមកប្រមូលផ្តុំនៅវិមានប្រជាធិបតេយ្យនៃទីក្រុងបាងកក ដើម្បីអបអរជ័យជម្នះរបស់គណបក្ស ចលនាឆ្ពោះទៅមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងឱកាសនោះផងដែរ មេដឹកនាំគណបក្សលោក Pita Limjaroenrat បានធ្វើដំណើរតាមក្បួន ដើម្បីថ្លែងអំណរគុណដល់អ្នកបោះឆ្នោតនៅក្នុងតំបន់។

លោក Pita ប្រាប់ទៅអ្នកគាំទ្រថា “លោកប្តេជ្ញាធ្វើកំណែទម្រង់ប្រទេស។ ឆាប់ៗនេះ នាយករដ្ឋមន្ត្រីបន្ទាប់របស់អ្នកទាំងអស់គ្នាគឺ Pita Limjaroenrat ហើយយើងនឹងផ្លាស់ប្តូរប្រទេសនេះជាមួយគ្នា”។

លោកលើកឡើងថា “គណបក្សចលនាឆ្ពោះទៅមុខ បានត្រៀមខ្លួនរួចជាស្រេចដើម្បីគ្រប់គ្រងប្រទេស ដោយមានការឯកភាពពីប្រជាជន។ យើងបានព្យាយាមរួមគ្នាបង្កើតរដ្ឋាភិបាលសំឡេងភាគច្រើនដែលមានអាសនៈចំនួន៣០៩ ក្នុងចំណោម៥០០អាសនៈនៅក្នុងសភា”។

គួរបញ្ជាក់ថា គណបក្សប្រឆាំងចំនួនពីរគឺ ចលនាឆ្ពោះទៅមុខ និង ភឿថៃ បានព្រមព្រៀងគ្នារួចហើយ ដើម្បីបង្កើតរដ្ឋាភិបាលចម្រុះ ដែលមានគណបក្សនយោបាយចំនួន៦ ដែលនឹងផ្តល់ឲ្យខ្លួននូវអាសនៈចំនួន៣០៩។

ទោះបីជាយ៉ាងណាក៏ដោយ ៣០៩អាសនៈនេះ នៅតែមិនគ្រប់អាសនៈ៣៧៦ដែលត្រូវការ ដើម្បីធានាថា មេដឹកនាំគណបក្សចលនាឆ្ពោះទៅមុខលោក Pita Limjaroenrat ទទួលបានការងារកំពូល។

នោះមានន័យថា សមាជិកព្រឹទ្ធសភាចំនួន ២៥០រូប​​ នឹងត្រូវចូលរួមជាមួយសមាជិករដ្ឋសភាក្នុងការបោះឆ្នោតជ្រើសរើសនាយករដ្ឋមន្ត្រី៕

ប្រែសម្រួល៖ Vann Vann

ប្រភព៖ Nation

ចុចអាន៖ ចលនាឆ្ពោះមុខ ភឿថៃ និងគណបក្ស៤ទៀត ចាប់ដៃគ្នា បង្កើតរដ្ឋាភិបាលចម្រុះថ្មី