ព័ត៌មានអន្ដរជាតិ

វៀតណាម នឹងកំណត់ឲ្យអ្នកប្រើប្រាស់បណ្ដាញសង្គមទាំងអស់ ត្រូវតែជាគណនីពិតប្រាកដ

បានផុស

២ years មុន

នៅ

ថ្ងៃពុធ ១៧ ឧសភា ២០២៣

ដោយ

ក្រសួងព័ត៌មាន និងទំនាក់ទំនងវៀតណាម កំពុងដំណើរការរៀបចំសេចក្តីព្រាងច្បាប់ថ្មី ដោយកំណត់លើអ្នកប្រើប្រាស់បណ្តាញសង្គមក្នុងប្រទេសទាំងអស់ ត្រូវតែប្រើគណនីដែលបានផ្ទៀងផ្ទាត់ (Verified) ត្រឹមត្រូវប៉ុណ្ណោះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ច្បាប់ថ្មីនេះ គឺកំណត់ទៅលើអ្នកប្រើប្រាស់បណ្តាញសង្គមទាំងអស់រួមមាន Facebook, YouTube និង TikTok ត្រូវតែប្រើគណនីពិតប្រាកដត្រឹមត្រូវដែលបានផ្ទៀងផ្ទាត់ (Verified) រួចជាមួយលេខទូរស័ព្ទ និងឈ្មោះពិតទើបអាចបង្ហោះ ស៊ែរ និងបញ្ចេញមតិបាន ។

ទន្ទឹមនោះ ច្បាប់ថ្មីនេះ ក៏កំណត់ឲ្យម្ចាស់វេទិកាសង្គមទាំងអស់ ត្រូវទទួលខុសត្រូវក្នុងការផ្ទៀងផ្ទាត់អត្តសញ្ញាណអ្នកប្រើប្រាស់ គ្រប់គ្រងខ្លឹមសារនៃការផ្សាយផ្ទាល់ និងការដកខ្លឹមសារមិនសមរម្យចេញក្នុងរយៈពេល ៣ ម៉ោង បន្ទាប់ពីការទាមទារ ។

លើសពីនេះដើម្បីរក្សាសុវត្ថិភាពតាមអនឡាញ វៀតណាមនឹងបង្កើតឧបករណ៍ស្វ័យប្រវត្តិមួយដើម្បីស្កេន និងស្វែងរកការរំលោភលើការផ្សាយពាណិជ្ជកម្មឆ្លងព្រំដែន ដោយសារតែធ្លាប់មានមេរៀនកាលពីឆ្នាំ ២០២២ គឺបានលុបចោលវ៉េបសាយមិនផ្លូវការចំនួន ៧៦ ផងដែរ ។

ជាពិសេសក្រសួងព័ត៌មាន និងទំនាក់ទំនងវៀតណាម ក៏នឹងពិនិត្យមើលប្រតិបត្តិការរបស់ក្រុមហ៊ុន TikTok ក្នុងប្រទេសវៀតណាមនាខែនេះផងដែរ ៕

ប្រែសម្រួល ៖ នាង រតនៈ

ប្រភព ៖ Tuoi Tre