ចំនួនមនុស្សស្លាប់ដោយសារព្យុះស៊ីក្លូន Mocha នៅ មីយ៉ាន់ម៉ា កើនឡើងកាន់តែច្រើន

ចំនួនអ្នកស្លាប់នៅក្នុងប្រទេសមីយ៉ាន់ម៉ា ដោយសារព្យុះស៊ីក្លូន បានកើនឡើងដល់៨១នាក់ហើយ គិតត្រឹមថ្ងៃពុធទី១៧ខែឧសភា ខណៈអ្នកភូមិ សស្រាក់សស្រាំសាងសង់ផ្ទះឡើងវិញ និងរង់ចាំការផ្តល់ជំនួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្យុះ​ Mocha បាន​បង្កឲ្យមានបំណាក់ដី​កាលពី​ថ្ងៃអាទិត្យ​ ​ជាមួយនឹង​កម្លាំង​ខ្យល់​រហូតដល់ ១៩៥ គីឡូម៉ែត្រ​ក្នុង​មួយ​ម៉ោង។

មេដឹកនាំក្នុងតំបន់បានប្រាប់អ្នកយកព័ត៌មាន AFP ថា គ្រាន់តែភូមិ Bu Ma និង Khaung Doke Kar ដែលជាកន្លែងរបស់ជនជាតិភាគតិចរ៉ូហ៊ីងយ៉ារស់នៅ, មានមនុស្សរហូតដល់ទៅ៤៦នាក់ ត្រូវបាត់បង់ជីវិត។

ស្របពេលជាមួយគ្នានោះ ទូរទស្សន៍រដ្ឋមីយ៉ាន់ម៉ា MRTV បានផ្សាយថា មនុស្សចំនួន១៣នាក់ ក៏បានស្លាប់ផងដែរ នៅពេលវត្តមួយបានបាក់រលំក្នុងតំបន់ Rathedaung ភាគខាងជើងទីក្រុង Sittwe នៃរដ្ឋរ៉ាក់ឃីន។

គួរបញ្ជាក់ថាជាថ្មី, Mocha គឺជាព្យុះស៊ីក្លូនដ៏មានឥទ្ធិពលបំផុតមួយ ដែលបានវាយលុកតំបន់នេះក្នុងរយៈពេលជាងមួយទស្សវត្សរ៍ចុងក្រោយ៕

ប្រែសម្រួល៖ Vann Vann

ប្រភព៖ CNA

ចុចអាន៖ មនុស្សស្លាប់ដោយសារព្យុះស៊ីក្លូន Mocha នៅមីយ៉ាន់ម៉ា កើនដល់ជាង ៤០នាក់