ព័ត៌មានអន្ដរជាតិ

គណបក្សចលនាឆ្ពោះទៅមុខ ថៃ ប្រកាសបង្កើតរដ្ឋាភិបាលចម្រុះជាមួយបក្ស ៧ ផ្សេងទៀត

បានផុស

២ years មុន

នៅ

ថ្ងៃព្រហស្បតិ៍ ១៨ ឧសភា ២០២៣

ដោយ

មេដឹកនាំរបស់គណបក្សចលនាឆ្ពោះទៅមុខ (MFP) លោក ភីថា លីមចារើនរ៉ាត់ (Pita Limjaroenrat) បានប្រកាសនៅថ្ងៃព្រហស្បតិ៍នេះថា គណបក្សរបស់លោកនឹងធ្វើការជាមួយបក្សចំនួន ៧ ផ្សេងទៀត ក្នុងការបង្កើតរដ្ឋាភិបាលចម្រុះ ដែលនឹងមានអាសនៈចំនួន ៣១៣ ក្នុងសភាតំណាងរាស្ត្រសរុប ៥០០ អាសៈ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គណបក្សចំនួន ៧ ដែលនឹងរួមគ្នាបង្កើតរដ្ឋាភិបាលចម្រុះជាមួយគណបក្សចលនាឆ្ពោះទៅមុខ មានដូចជា គណបក្សភឿថៃ, គណបក្សថៃសាងថៃ, គណបក្សសេរីនិយមថៃ, គណបក្សប្រាឆាឆាត, គណបក្សយុត្តិធម៌ថៃ, គណបក្ស Plung Sungkom Mai និងគណបក្ស Peu Thai Ruamphalang ។

ទន្ទឹមនោះ លោក ភីថា បាននិយាយនៅក្នុងសន្និសីទសារព័ត៌មានថា ភាគីគណបក្សទាំងអស់ត្រូវចុះហត្ថលេខាលើអនុស្សរណៈនៃការយោគយល់គ្នា (MoU) ខណៈព័ត៌មានលម្អិតណាមួយនឹងចេញផ្សាយនៅថ្ងៃចន្ទសប្ដាហ៍ក្រោយ ហើយលោកក៏នឹងបង្កើតគណៈកម្មាធិការមួយ ដើម្បីអនុវត្តការងាររបស់រដ្ឋាភិបាលមុនឲ្យមានប្រសិទ្ធភាពផងដែរ ។

គួរបញ្ជាក់ថា នៅក្នុងការបោះឆ្នោតសកលកាលពីថ្ងៃទី១៤ ខែឧសភាកន្លងទៅ គណបក្សចលនាឆ្ពោះទៅមុខទទួលបានអាសនៈចំនួន ១៥២, គណបក្សភឿថៃទទួលបាន ១៤១ អាសនៈ ខណៈគណបក្សថៃរួបរួមជាតិរបស់លោក ប្រាយុទ្ធ ឈរនៅលេខរៀងទី៥ ដោយទទួលបានត្រឹមតែ ៣៦ អាសនៈប៉ុណ្ណោះក្នុងសភាតំណាងរាស្រ្តចំនួន ៥០០ អាសនៈ ៕

ប្រែសម្រួលដោយ ៖ ជីវ័ន្ត

ប្រភព ៖ The Nation Thailand

ចុចអាន ៖ លោក ប្រាយុទ្ធ ៖ ខ្ញុំនៅតែជានាយករដ្ឋមន្ត្រី ថៃ