ព័ត៌មានអន្ដរជាតិ
អតីតមេទ័ពអាមេរិក៖ រុស្ស៊ី អាចបាញ់នុយក្លេអ៊ែរលើ អ៊ុយក្រែន
លោក វ្ល៉ាឌីមៀរ ពូទីន អាចងាកទៅរកការដាក់ពង្រាយអាវុធនុយក្លេអ៊ែរប្រឆាំងនឹងអ៊ុយក្រែន បន្ទាប់ពីទីក្រុងកៀវ អះអាងបាញ់ទម្លាក់មីស៊ីលលឿនជាងសំឡេងរបស់រុស្ស៊ី។ នេះបើតាមការព្រមានពីអតីតមេទ័ពអាមេរិក មួយរូប។

កាលពីថ្ងៃពុធទី១៧ខែឧសភា ប្រទេសអ៊ុយក្រែននិយាយថា ខ្លួនបានបាញ់ទម្លាក់មីស៊ីល Kinzhal របស់រុស្ស៊ីចំនួន៦គ្រាប់ ពោលគឺត្រឹមប៉ុន្មានថ្ងៃប៉ុណ្ណោះ បន្ទាប់ពីយោធាអាមេរិកអះអាងថា ទីក្រុង កៀវ បានបាញ់ទម្លាក់មីស៊ីលល្បឿនលឿនជាងសម្លេងរបស់លោកពូទីន ជាលើកដំបូងដោយប្រើប្រព័ន្ធការពារ Patriot របស់សហរដ្ឋអាមេរិក។
លោក Kevin Ryan អគ្គសេនាធិការទីបញ្ជាការការពារដែនអាកាស និងមីស៊ីលរបស់កងទ័ពសហរដ្ឋអាមេរិក បាននិយាយថា ពេលនេះមីស៊ីលមិនអាចបញ្ឈប់បាន របស់លោកពូទីន ត្រូវបានបំផ្លាញ។ វាមានន័យថា ជ័យជម្នះសម្រាប់មេដឹកនាំរុស្ស៊ី កាន់តែឃ្លាតឆ្ងាយទៅៗ។
ទន្ទឹមនោះ លោក Ryan ព្រមានថា ប្រសិនបើលោក ពូទីន មិនអាចទទួលបានជ័យជម្នះជាមួយនឹងអាវុធធម្មតាបានទេនោះ គាត់ប្រហែលជាងាកទៅរកអាវុធនុយក្លេអ៊ែរវិញ។

លោក Ryan ពន្យល់ថា អាវុធធម្មតាមិនមែននុយក្លេអ៊ែររបស់រុស្ស៊ីកំពុងបង្ហាញឲ្យគេឃើញថា វាមិនអាចបំពេញភារកិច្ចនៅអ៊ុយក្រែនបានទេ។ នោះហើយជាមូលហេតុដែលលោក ពូទីន ពឹងផ្អែកខ្លាំងលើការគំរាមកំហែងនុយក្លេអ៊ែរ”។
ជាការពិតណាស់ រុស្ស៊ី មិនត្រឹមតែបាត់បង់ទាហានចំនួន១៩៧០០០នាក់ ចាប់តាំងពីសង្រ្គាមផ្ទុះឡើងនោះទេ លោកពូទីនក៏បាត់បង់រថយន្តយោធារាប់ពាន់គ្រឿង រួមទាំងរថក្រោះ និងរថយន្តដឹកជញ្ជូនថ្មើរជើងផងដែរ។
គួរបញ្ជាក់ជាថ្មី អ៊ុយក្រែនបានអះអាងថា ប្រព័ន្ធការពារដែនអាកាសដ៏រឹងមាំរបស់ខ្លួន ដែលរួមមានទាំងប្រព័ន្ធផ្គត់ផ្គង់ពីសម័យសូវៀត និងបស្ចិមប្រទេសផងដែរនោះ បានទទួលជោគជ័យក្នុងការបាញ់ទម្លាក់នូវមីស៊ីលរបស់ទីក្រុងមូស្គូចំនួន១៨គ្រាប់ ដែលក្នុងនោះមាន៦គ្រាប់ត្រូវបានគេរាយការណ៍ថាជាមីស៊ីលល្បឿនលឿនជាងសំឡេង ដែលលោក ពូទីន ធ្លាប់អួតថា គ្មានអ្វីអាចបញ្ឈប់បាន៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ លោក ពូទីន និង ហ្សេលេនស្គី យល់ព្រមជួបមេដឹកនាំអាហ្វ្រិក ដើម្បីពិភាក្សាផែនការសន្តិភាព

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៨ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ