ព័ត៌មានអន្ដរជាតិ

បើលោក Pita ក្លាយជានាយករដ្ឋមន្ត្រី នឹងអាចមានស្រ្តីកាន់តំណែងក្នុងក្រសួងហិរញ្ញវត្ថុដំបូងគេនៅថៃ

បានផុស

២ years មុន

នៅ

ថ្ងៃចន្ទ ២២ ឧសភា ២០២៣

ដោយ

បន្ទាប់ពីមេដឹកនាំគណបក្សចលនាឆ្ពោះទៅមុខ (MFP) លោក Pita Limjaroenrat កំពុងស្ថិតនៅលើផ្លូវឆ្ពោះទៅកាន់តំណែងនាយករដ្ឋមន្ត្រីថ្មី ក្នុងនោះ Sirikanya Tansakun ដែលជាបេក្ខភាពអាចនឹងចារក្នុងប្រវត្តិសាស្ត្រនយោបាយក្នុងនាមជារដ្ឋមន្ត្រីក្រសួងហិរញ្ញវត្ថុស្ត្រីដំបូងគេរបស់ប្រទេសថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាមិនទាន់បានប្រកាសជាផ្លូវការក៏ដោយ ប៉ុន្តែពេញមួយការបោះឆ្នោតឆ្នាំ ២០២៣ នាយករដ្ឋមន្ត្រីទី ៣០ និងជាមេដឹកនាំនៃគណបក្សលោក Pita Limjaroenrat មានបំណងកាន់កាប់តំបន់លំដាប់ A ដូចក្រសួងហិរញ្ញវត្ថុ លើសពីនេះទៀតរបាយការណ៍បានបង្ហាញនៅក្នុងវេទិកាជាច្រើនថាលោកស្រី Sirikanya នឹងក្លាយជារដ្ឋមន្ត្រីក្រសួងហិរញ្ញវត្ថុនៃគណបក្ស MFP។

ជាមួយគ្នានោះដែរ មានសារព័ត៌មានជាច្រើនបានទម្លាយពីប្រវត្តិរបស់អ្នកនយោបាយស្រីរូបនេះថា គាត់មានតួនាទីសំខាន់ក្នុងគោលនយោបាយបក្សនិងជាសមាជិកសភាស្ត្រីទី ៣ របស់បក្ស ហើយក៏ជាប្រធានបេក្ខភាពក្រុមសេដ្ឋកិច្ចរបស់គណបក្សសម្រាប់រដ្ឋាភិបាលផងដែរ។

ប្រវត្តិនៃការអប់រំ លោកស្រី Sirikanya Tansaku ឬឈ្មោះហៅក្រៅ silk កើតនៅថ្ងៃទី ០៤ខែមេសា ឆ្នាំ ១៩៨១ បច្ចុប្បន្នមានអាយុ៤២ ឆ្នាំ ខណៈគាត់បានសិក្សានៅសាលាបឋមសិក្សា Chonburi, អនុវិទ្យាល័យ Chonkanyanukul, វិទ្យាល័យ Thammasat, បរិញ្ញាបត្រផ្នែកសេដ្ឋកិច្ច សាកលវិទ្យាល័យ Thammasat, បរិញ្ញាបត្រសេដ្ឋកិច្ច សកលវិទ្យាល័យ Thammasat, ថ្នាក់អនុបណ្ឌិតផ្នែកសេដ្ឋកិច្ច ទីផ្សារ សាលាសេដ្ឋកិច្ច Toulouse ប្រទេសបារាំង។

ប្រវត្តិការងារ

-ចន្លោះឆ្នាំ ២០១១ ដល់ ២០១២ លោកស្រីគឺជាអ្នកស្រាវជ្រាវនៃវិទ្យាស្ថានអភិវឌ្ឍន៍ប្រទេសថៃ (TDRI)

-កំឡុងឆ្នាំ ២០១២ – ២០១៦ វិទ្យាស្ថានគ្រប់គ្រងការស្រាវជ្រាវសម្រាប់ការសិក្សាអនាគតថៃ

-ចន្លោះឆ្នាំ ២០១៧ ដល់ ២០១៨៖ ទីប្រឹក្សាជាន់ខ្ពស់ The Advisor Co., Ltd.

-ចន្លោះឆ្នាំ ២០១៨ ដល់ឆ្នាំ ២០១៩៖ ប្រធាននាយកដ្ឋានគោលនយោបាយ អតីតគណបក្សចលនាឆ្ពោះទៅមុខ

-ចន្លោះឆ្នាំ ២០១៩ ដល់ ២០២៣៖ សមាជិកសភា២អាណត្តិ អតីតគណបក្សចលនាទៅមុខ ។

នៅថ្ងៃទី ២០ ខែកញ្ញា ឆ្នាំ ២០១៩ ការិយាល័យគណៈកម្មាធិការជាតិប្រឆាំងអំពើពុករលួយ (NACC) បានបង្ហាញនូវទ្រព្យសម្បត្តិ និងបំណុលរបស់សមាជិកសភាដែលលោកស្រី Sirikanya Tansakul សមាជិកសភាគណបក្សអនាគតឆ្ពោះទៅមុខ មានទឹកប្រាក់ចំនួន ៤,៥០៤,៧៨២ បាត ស្របពេលដែលទ្រព្យសកម្ម ២,៦៨៧,៥៩៦ បាតជាបំណុល។

យ៉ាងណាក៏ដោយ ក្រសួងហិរញ្ញវត្ថុត្រូវបានគេចាត់ទុកថាជាក្រសួងមួយដ៏សំខាន់ក្នុងវិស័យសេដ្ឋកិច្ច។ ភាគីទាំងអស់ក៏កំពុងមើលផងដែរ ថាត្រូវតែធ្វើតាមការចរចាររបស់រដ្ឋាភិបាល តើនឹងត្រូវបែងចែកយ៉ាងដូចម្តេច ហើយលោកស្រី Sirikanya Tansakul នឹងអង្គុយកៅអីរដ្ឋមន្រ្តីក្រសួងហិរញ្ញវត្ថុឬអត់៕