ព័ត៌មានអន្ដរជាតិ

មិនត្រឹមល្បីលើឆាកនយោបាយ កូនស្រីពៅលោក ថាក់ស៊ីន ជះឥទ្ធិពលរហូតគេសម្រុកទិញផលិតផលតាម

បានផុស

២ years មុន

នៅ

ថ្ងៃចន្ទ ២២ ឧសភា ២០២៣

ដោយ

ថ្វីត្បិតតែលោកស្រី Paetongtarn Shinawatra ចូលប្រឡូកក្នុងឆាកនយោបាយក៏ដោយ ប៉ុន្តែគាត់ក៏ក្លាយជាមនុស្សស្រីវ័យក្មេងដ៏ល្បីល្បាញរបស់ប្រទេសថៃយ៉ាងឆាប់រហ័ស ជាពិសេសនៅពេលបង្ហាញខ្លួនជាសាធារណៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះមានសំណួរជាច្រើនរបស់ស្រីៗ ជាពិសេសយុវវ័យភាគច្រើនបានចោតសួរថា តើកូនស្រីលោកថាក់ស៊ីនមានសម្រស់ស្អាតខ្លាំងដោយរបៀបណា ទាំងដែលគាត់បានសម្រាលកូនរួចហើយ និងខំប្រឹងធ្វើនយោបាយទាំងយប់ថ្ងៃគ្មានពេលសម្រាកទាល់តែសោះ។

យ៉ាងណាមិញ លោកស្រី Paetongtarn បានចែករំលែកអាថ៌កំបាំងរបស់គាត់ក្នុងអំឡុងពេលវគ្គ Live Facebook ជាមួយអ្នកគាំទ្រកាលពីថ្ងៃទី១៧ ឧសភាថា នាងចង់និយាយអំពីរឿងគ្រប់យ៉ាង លើកលែងតែរឿងនយោបាយ ដូច្នេះស្ត្រីក្នុងចំណោមទស្សនិកជនរបស់នាង ចង់ដឹងភ្លាមៗថា តើអាថ៌កំបាំងដែលតែងតែមើលទៅស្អាតនោះជាអ្វី។

តាមពិត អាថ៌កំបាំងរបស់គាត់ស្អាតខ្លាំង គឺការក្នុងក្រែមលាបមាត់ចំនួន៥មុខគឺ YSL Slim Velvet Radical លេខ ៣១១, ម៉ាក Amuse របស់កូរ៉េខាងត្បូង, លេខ២ Moulin Rouge របស់ Jovinaលេខ២, Strawberry Cheesecakeលេខ៣ និង Naree’s, Dinner Time លេខ២០៧។

ដូចការរំពឹងទុក ក្រែមទាំង៥ដើមរបស់លោកស្រី Paetongtarn Shinawatra បានទទួលបានការចាប់អារម្មណ៍ភ្លាមៗ ហើយគន្លឹះផាត់មុខរបស់គាត់បានក្លាយជាប្រធានបទក្ដៅគគុកលើបណ្ដាញសង្គម។

ទោះយ៉ាងណា ក្រែមដែលកូនស្រីពៅលោក ថាក់ស៊ីន ប្រើ ត្រូវគេបញ្ជាទិញអស់ស្តុក ខណៈអ្នកលេងហ្វេសប៊ុកជាច្រើនបានត្អូញត្អែរថាយីហោ Naree និង Jovina អស់គ្មានសល់ ហើយម្នាក់ទៀតក៏និយាយដែរថា នាងធ្វើដំណើរទៅខេត្ត Rayong ដើម្បីទិញផ្ទាល់ថែមទៀតផង៕