ឆេះអន្តេវាសិកដ្ឋាន ស្លាប់ក្មេងៗសិស្សសាលា១៩នាក់ នៅប្រទេស ហ្គីយ៉ាន

កុមារចំនួន ១៩ នាក់បានស្លាប់ ក្នុងគ្រោះអគ្គិភ័យឆេះ​អន្តេវាសិកដ្ឋានមួយកន្លែង នៅទីក្រុង Mahdia កណ្តាលប្រទេស ហ្គីយ៉ាន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អគ្គិភ័យ ​បាន​ឆាបឆេះ​នៅពេល​ពាក់កណ្តាល​អធ្រាត្រ​​ថ្ងៃ​ចន្ទឈានចូលថ្ងៃអង្គារ ដោយ​បាន​ឆាបឆេះ​អន្តេវាសិកដ្ឋាននៃ​អនុវិទ្យាល័យមួយ និងបណ្តាលឲ្យ​ជាប់​សិស្សនៅក្នុងនោះ។

ការស៊ើបអង្កេតបឋមបង្ហាញថា អគ្គិភ័យនេះប្រហែលជា មានអ្នកលួចដុត ប៉ុន្តែប៉ូលិស និយាយថា ពួកគេមិនទាន់កំណត់អត្តសញ្ញាណជនសង្ស័យណាម្នាក់នោះទេ។

ទន្ទឹមនោះ ក្រៅពីអ្នកស្លាប់ មនុស្ស​ជា​ច្រើន​នាក់​ផ្សេង​ទៀតក៏​បាន​រង​របួសផងដែរ ខណៈប្រធានាធិបតីហ្គីយ៉ាន លោក Irfaan Ali បាននិយាយថា “នេះគឺជាគ្រោះមហន្តរាយដ៏ធំមួយ។ វាជារឿងដ៏អាក្រក់ វាពិតជាឈឺចាប់ណាស់”។

គួរបញ្ជាក់ថា ហ្គីយ៉ាន គឺជាប្រទេសស្ថិតនៅចន្លោះប្រទេស វ៉េណេស៊ុយអេឡា និង សូរីណាម នៅលើឆ្នេរសមុទ្រភាគខាងជើងនៃតំបន់អាមេរិកខាងត្បូង៕

ប្រែសម្រួល៖ Vann Vann

ប្រភព៖ BBC

ចុចអាន៖ អគ្គិភ័យឆាបឆេះផ្ទះលក់គ្រឿងសង្ហារិម រងការខូចខាត