ព័ត៌មានអន្ដរជាតិ
រុស្ស៊ី៖ បើលោកខាងលិច ផ្តល់អាវុធនុយក្លេអ៊ែរឲ្យអ៊ុយក្រែន ក្រុងមូស្គូនឹងបាញ់នុយក្លេអ៊ែរមុន
កាលពីថ្ងៃសុក្រទី២៦ខែឧសភា ជំនិតរបស់លោក វ្ល៉ាឌីមៀរ ពូទីន គឺលោក Dmitry Medvedev បានចេញការព្រមានខ្លាំងៗមួយថា ប្រទេសរុស្សី នឹងបើកការវាយប្រហារនុយក្លេអ៊ែរមុន បើលោកខាងលិច ផ្តល់អាវុធនុយក្លេអ៊ែរឲ្យអ៊ុយក្រែន។
![](https://www.kampucheathmey.com/wp-content/uploads/2023/05/image-1695-1024x576.png)
ស្របពេលជាមួយគ្នានោះដែរ អតីតប្រធានាធិបតីរុស្ស៊ីរូបនេះនិយាយថា លោកខាងលិច មិនបានរារាំងឆន្ទៈរបស់លោក ពូទីន ក្នុងការឈានទៅរកសង្គ្រាមនុយក្លេអ៊ែរនោះទេ។ លោក Medvedev ក៏បានព្រមានដែរថា សង្រ្គាមអ៊ុយក្រែន អាចអូសបន្លាយពេលច្រើនទសវត្សរ៍ ហើយទោះមានបទឈប់បាញ់ ក៏ការប្រយុទ្ធនៅតែបន្តដែរ។
លោក Medvedev ដែលបច្ចុប្បន្ន ជាអនុប្រធានក្រុមប្រឹក្សាសន្តិសុខរបស់លោកពូទីន បានព្រមានទៀតថា សង្គ្រាមនឹងកាន់តែពុះកញ្ជ្រោលឡើង បើអ៊ុយក្រែនទទួលបានយន្តហោះចម្បាំង ដូចជា F-16 របស់អាមេរិក និងសូម្បីតែអាវុធនុយក្លេអ៊ែរជាដើម។
![](https://www.kampucheathmey.com/wp-content/uploads/2023/05/image-1696.png)
អំឡុងដំណើរទៅប្រទេសវៀតណាម លោកបានសង្កត់ធ្ងន់ថា “មានច្បាប់សង្គ្រាមមួយចំនួនដែលមិនអាចកែប្រែបាន។ ប្រសិនបើនិយាយអំពីការដឹកជញ្ជូនអាវុធនុយក្លេអ៊ែរទៅឲ្យអ៊ុយក្រែន ការវាយប្រហារមុននឹងត្រូវធ្វើឡើង។ លោកខាងលិចនៅតែមិនយល់ពីចំណុចនេះ ហើយជឿខុសថា លោក ពូទីន នឹងមិនហ៊ានចុចប៊ូតង់នុយក្លេអ៊ែរទេ។ តាមពិត មីស៊ីលដែលបំពាក់ក្បាលគ្រាប់នុយក្លេអ៊ែរ នឹងហោះទៅរកពួកគេ”។
គួរបញ្ជាក់ជាថ្មី ប្រទេសរុស្ស៊ីបានចាប់ផ្តើមប្រតិបត្តិការយោធា នៅអ៊ុយក្រែនកាលពីថ្ងៃទី២៤ ខែកុម្ភៈ ឆ្នាំ ២០២២ ដើម្បីឆ្លើយតបទៅនឹងការអំពាវនាវរបស់សាធារណៈរដ្ឋប្រជាមានិត Donetsk និង Lugansk សម្រាប់ការការពារពីកងទ័ពអ៊ុយក្រែន៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ រុស្ស៊ី ថា ជម្លោះនៅ អ៊ុយក្រែន នឹងអូសបន្លាយពេលដល់រាប់ទស្សវត្សរ៍
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម៧ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៧ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៦ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?
-
ព័ត៌មានអន្ដរជាតិ៣ ថ្ងៃ ago
ត្រាំ តម្រូវឲ្យអ៊ុយក្រែន យកធនធានរ៉ែកម្រមកដោះដូរ បើចង់បានជំនួយអាមេរិក តទៀត