ព័ត៌មានអន្ដរជាតិ

អ៊ុយក្រែនបារម្ភថា រុស្ស៊ីអាចនឹងបើកការវាយប្រហារលើរោងចក្រនុយក្លេអ៊ែរ Zaporizhzhia

បានផុស

២ years មុន

នៅ

ថ្ងៃអាទិត្យ ២៨ ឧសភា ២០២៣

ដោយ

មន្ត្រីចារកម្មការពារជាតិអ៊ុយក្រែនបាននិយាយថា កងកម្លាំងរុស្ស៊ី អាចនឹងវាយប្រហាររោងចក្រថាមពលនុយក្លេអ៊ែរក្រោមការគ្រប់គ្រងរបស់ពួកគេ ហើយបន្ទាប់មកដាក់កំហុសលើទីក្រុង Kyiv ដើម្បីការពារអ៊ុយក្រែនពីការវាយលុក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃសុក្រ ក្រុមមន្ត្រីបាននិយាយថា ជនជាតិរុស្ស៊ីកំពុងរៀបចំធ្វើការវាយប្រហារលើទីតាំងនៃរោងចក្រថាមពលនុយក្លេអ៊ែរ Zaporizhzhia នៅភាគខាងត្បូងអ៊ុយក្រែន។ រោងចក្រនេះត្រូវបានទាហានរុស្ស៊ីកាន់កាប់អស់រយៈពេលជាង ១៤ ខែ។

ក្រុមមន្ត្រីអះអាងទៀតថា គោលបំណងនៃការវាយប្រហារដែលបានគ្រោងទុកគឺដើម្បីបង្កើតសេណារីយ៉ូមួយ ដែលសហគមន៍អន្តរជាតិនឹងត្រូវធ្វើការស៊ើបអង្កេតឲ្យបានហ្មត់ចត់ ដើម្បីកំណត់ថា តើសារធាតុវិទ្យុសកម្មបានលេចធ្លាយចេញពីរោងចក្រដែរឬទេ។ ប៉ុន្តែមន្ត្រីមិនបានផ្ដល់ភស្តុតាងអ្វីទេ។

ទន្ទឹមនឹងនេះ មន្ត្រីជាន់ខ្ពស់នៃសេវាសន្តិសុខសហព័ន្ធរបស់រុស្ស៊ីបាននិយាយនៅក្នុងបទសម្ភាសន៍ជាមួយប្រព័ន្ធផ្សព្វផ្សាយរដ្ឋរបស់ប្រទេសរបស់លោកថា ការគំរាមកំហែងផ្នែកយោធានៅតាមព្រំដែនជាមួយអ៊ុយក្រែនបាននិងកំពុងកើនឡើង។ លោកបាននិយាយថា ប្រជាជនអ៊ុយក្រែនបានចូលរួមក្នុងការបង្កហេតុ និងការបំផ្លិចបំផ្លាញ៕