ព័ត៌មានអន្ដរជាតិ

ក្រុមតាលីបង់ បើកការបាញ់ប្រហារលើ អ៊ីរ៉ង់

បានផុស

២ years មុន

នៅ

ថ្ងៃអាទិត្យ ២៨ ឧសភា ២០២៣

ដោយ

ប្រព័ន្ធផ្សព្វផ្សាយរដ្ឋអ៊ីរ៉ង់រាយការណ៍ថា កងកម្លាំងតាលីបង់បានបើកការបាញ់ប្រហារទៅលើឆ្មាំព្រំដែនកាលពីថ្ងៃសៅរ៍ ដោយសម្លាប់មនុស្សយ៉ាងហោចណាស់ពីរនាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងនៅព្រំដែននៃខេត្ត Sistan និង Baluchestan របស់ប្រទេសអ៊ីរ៉ង់ និងខេត្ត Nimroz អាហ្វហ្គានីស្ថាន។ ទីភ្នាក់ងារសារព័ត៌មាន IRNA របស់អ៊ីរ៉ង់រាយការណ៍ថា ពួកសកម្មប្រយុទ្ធតាលីបង់បានបើកការបាញ់ប្រហារមុនគេ ដោយបានសម្លាប់ឆ្មាំអ៊ីរ៉ង់យ៉ាងហោចណាស់ពីរនាក់។

ទោះបីជាយ៉ាងណាក៏ដោយ មន្ត្រីតាលីបង់បានអះអាងថា ឆ្មាំអ៊ីរ៉ង់បានបាញ់មុន ហើយមនុស្សម្នាក់នៅសងខាងត្រូវបានសម្លាប់ ចំណែកអ្នកផ្សេងទៀតរងរបួស។ តាមការប៉ាន់ស្មាន វិវាទទំនងជាផ្តោតលើសិទ្ធិទឹក ដោយភាគីទាំងពីរទាមទារសិទ្ធិចូលទៅកាន់ទន្លេ Helmand ខណៈពេលដែលសន្ធិសញ្ញាឆ្នាំ១៩៧៣ធានាឲ្យអ៊ីរ៉ង់ និងអាហ្វហ្គានីស្ថានទទួលបានសិទ្ធិចូលទន្លេស្មើៗគ្នា។

ប្រធានាធិបតីអ៊ីរ៉ង់ Ebrahim Raisi បានអះអាងថា ខ្មាន់កាំភ្លើងតាលីបង់កំពុងរារាំងអ្នកវិទ្យាសាស្ត្រអ៊ីរ៉ង់ពីការតាមដានកម្រិតទឹក ហើយបានព្រមានកាលពីដើមខែនេះថា ទីក្រុងតេអេរ៉ង់នឹងមិនអនុញ្ញាតឲ្យមានសិទ្ធិរបស់ប្រជាជនរបស់យើងឡើយ។

ខ្សែវីដេអូដែលមិនត្រូវបានគេផ្ទៀងផ្ទាត់ត្រូវចែកចាយលើប្រព័ន្ធផ្សព្វផ្សាយសង្គមបង្ហាញថា ទាហានតាលីបង់បានប្រើអាវុធអាមេរិកដើម្បីវាយប្រហារបង្គោលព្រំដែនអ៊ីរ៉ង់។ ខ្សែវីដេអូដាច់ពីគ្នាមួយទៀត បង្ហាញពីអ្វីដែលទំនងជាក្បួននៃអាវុធធុនធ្ងន់ដែលត្រូវបានអូសទៅកន្លែងកើតហេតុនៃការប៉ះទង្គិច៕