ព័ត៌មានអន្ដរជាតិ
រុស្ស៊ី ប្រាប់មូលហេតុដែល អ៊ុយក្រែន មិនអាចឈ្នះសង្គ្រាម
ឯកអគ្គរដ្ឋទូតរុស្ស៊ីប្រចាំនៅចក្រភពអង់គ្លេសលោក Andrey Kelin បាននិយាយនៅក្នុងបទសម្ភាសន៍មួយជាមួយសារព័ត៌មាន BBC ថា អ៊ុយក្រែនមិនអាចឈ្នះសង្គ្រាមលើរុស្ស៊ីនោះទេ ព្រោះរុស្ស៊ីធំជាងអ៊ុយក្រែនដល់ទៅ ១៦ ដងឯណោះ ។
លោក Kelin បាននិយាយថា “វាជាកំហុសឧត្តមគតិដ៏ធំមួយដែលគិតថា អ៊ុយក្រែននឹងឈ្នះសង្គ្រាមលើរុស្ស៊ី ព្រោះរុស្ស៊ីធំជាងអ៊ុយក្រែន ១៦ ដង យើងមានធនធានដ៏សម្បើម ម្យ៉ាងយើងមិនទាន់ចាប់ផ្តើមធ្វើសកម្មភាពធ្ងន់ធ្ងរណាមួយលើអ៊ុយក្រែននៅឡើយទេ” ។
អ្នកការទូតរូបនេះបញ្ជាក់ទៀតថា “យើងចង់បានសន្តិភាព យើងមិនចង់បានការគំរាមកំហែងណាមួយពីអ៊ុយក្រែនមកលើរុស្ស៊ីនោះទេ ។ យើងគ្រាន់តែការពារទឹកដីដែលស្ថិតនៅក្រោមការគ្រប់គ្រងរបស់អ៊ុយក្រែន និងជួយប្រជាជនរុស្ស៊ីនៅទីនោះ ជាពិសេសយើងគ្រាន់តែចង់កសាងតំបន់ Donbass ឡើងវិញតែប៉ុណ្ណោះ” ។
ទន្ទឹមនោះ លោក Kelin ក៏បានលើកឡើងដែរថា ប្រសិនបើសហរដ្ឋអាមេរិក ចក្រភពអង់គ្លេស និងសម្ព័ន្តមិត្តអង្គការណាតូផ្សេងទៀត បញ្ឈប់ការផ្គត់ផ្គង់អាវុធដល់អ៊ុយក្រែន នោះសង្គ្រាមក៏មិនអូសបន្លាយពេលមកដល់ពេលនេះផងដែរ ។
គួរបញ្ជាក់ថា ចាប់តាំងពីផ្ទុះប្រតិបត្តិការសឹកនៅអ៊ុយក្រែនកាលពីថ្ងៃទី២៤ ខែកុម្ភៈ ឆ្នាំ២០២២ មក បណ្ដាប្រទេសលោកខាងលិចបានចាប់ផ្ដើមយុទ្ធនាការដាក់ទណ្ឌកម្មទ្រង់ទ្រាយធំប្រឆាំងនឹងរុស្ស៊ី ហើយបាននិងកំពុងផ្គត់ផ្គង់សព្វាវុធដល់រដ្ឋាភិបាលរបស់ទីក្រុងកៀវផងដែរ ខណៈរដ្ឋមន្ត្រីការបរទេសរុស្ស៊ី លោក Sergey Lavrov បាននិយាយថា ការផ្គត់ផ្គង់អាវុធណាមួយដល់យោធាអ៊ុយក្រែន នឹងក្លាយជាគោលដៅកម្ចាត់ស្របច្បាប់សម្រាប់រុស្ស៊ី ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ លោកខាងលិច កំពុងធ្វើសង្គ្រាមគ្រប់បែបយ៉ាងប្រឆាំង រុស្ស៊ី
កំណើនឱកាសការងារ និងការវិនិយោគ ក្នុងឆ្នាំ២០២៤ ឆ្លុះបញ្ចាំងពីស្ថេរភាពនយោបាយ និងសេដ្ឋកិច្ចរបស់កម្ពុជា
រាជធានីភ្នំពេញ៖ ជំងឺគ្រុនឈាមបានថយចុះប្រមាណជាង៤០% បើប្រៀបធៀបឆ្នាំ២០២៣ និងឆ្នាំ២០២៤
សហជីពនៅកម្ពុជា និងប្រជាពលរដ្ឋថា លិមគិមយ៉ា គ្មានតម្លៃនឹងឱ្យរដ្ឋាភិបាលសម្លាប់ទេ ព្រោះជាអ្នកនយោបាយគ្មានសំឡេង
ព្រះរាជដំណាក់ស្តេច ជាកន្លែងកត់ត្រា ទុកជាប្រវត្តិសាស្ត្ររបស់យុវជនជំនាន់ក្រោយ
បណ្ឌិត គិន ភា៖ ៤០ឆ្នាំមកនេះ សម្តេចតេជោ ហ៊ុន សែន បានកសាងសមិទ្ធផលធំៗចំនួន៩ជូនប្រជាជាតិកម្ពុជា
ជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
ភូមិគ្រឹះនៅ LA តម្លៃជិត ៩លានដុល្លារ ឈរយ៉ាងរឹងមាំ ទោះជាភ្លើងឆេះជុំវិញសល់តែផេះក្ដី
រលកខ្យល់ល្បឿនជាង១០០គ.ម/ម៉ោង នឹងធ្វើឲ្យ LA កើតភ្លើងឆេះព្រៃ កាន់តែសាហាវៗថែមទៀត
អ្នករករ៉ែ១០០នាក់ជាប់គាំងក្នុងអណ្តូងរ៉ែស្លាប់ដោយសារការអត់អាហារជាច្រើនខែ
កម្ពុជា បន្តចុះត្រជាក់ ១៨°C ដល់ថ្ងៃទី១៦មករា
-
ព័ត៌មានជាតិ៥ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍២ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ចរាចរណ៍៤ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ៦ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ជីវិតកម្សាន្ដ៣ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ៤ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៦ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ៣ ថ្ងៃ agoស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ