ទីក្រុងកៀវ រងការវាយប្រហារធ្ងន់ធ្ងរ ដោយយន្តហោះដ្រូន ២យប់ជាប់គ្នា

ប្រទេសអ៊ុយក្រែន​ ត្រូវរង​ការ​វាយ​ប្រហារ​ដោយ​យន្តហោះ​គ្មាន​មនុស្ស​បើក និងមីស៊ីល ២យប់ជាប់គ្នា ខណៈការវាយប្រហារភាគច្រើន គឺសំដៅលើទីក្រុងកៀវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីក្រុងនិយាយថា កងកម្លាំងអ៊ុយក្រែន បានបំផ្លាញគោលដៅអាកាសជាង៤០ នៅលើរដ្ឋធានី។​ មិន​មាន​អ្នក​រង​របួស​ទេក្នុងរដ្ឋធានី ប៉ុន្តែ​ការ​ធ្លាក់បំណែកដ្រូន ​បាន​បំផ្លាញ​អគារ និង​បង្ក​ជា​អគ្គិភ័យ។

ការផ្ទុះ ក៏ត្រូវបានគេរាយការណ៍ផងដែរនៅក្នុងតំបន់ Lviv, Odesa, Vinnytsya និង Khmelnytskyi។

អាជ្ញាធរក្នុងតំបន់និយាយថា នៅ Khmelnytskyi ការវាយប្រហារលើអាកាសយានដ្ឋានយោធាបានធ្វើឲ្យខូចខាតដល់យន្តហោះចំនួន៥គ្រឿង និងផ្លូវរត់។

គួរបញ្ជាក់ថា នេះគឺជាការវាយប្រហារតាមផ្លូវអាកាសលើកទី១៥ ដោយរុស្ស៊ីទៅលើរដ្ឋធានីក្នុងខែនេះ និងជាការវាយប្រហារទ្រង់ទ្រាយធំ ២យប់ជាប់គ្នា។

កាលពីយប់ថ្ងៃសៅរ៍ ប្រទេស រុស្ស៊ីបានបើកការវាយប្រហារដ៏ធំបំផុត លើរដ្ឋធានីអ៊ុយក្រែន ជាមួយនឹងយន្តហោះគ្មានមនុស្សបើក Shahed ផលិតដោយអ៊ីរ៉ង់ ខណៈទីក្រុងកៀវ កំពុងត្រៀមរៀបចំដើម្បីប្រារព្ធខួបនៃការបង្កើតរបស់ខ្លួន នៅថ្ងៃអាទិត្យ៕

ប្រែសម្រួល៖ Vann Vann

ប្រភព៖ BBC

ចុចអាន៖ រុស្ស៊ី ព្រមាន អំពីការរីកកាន់តែធំ នៃសង្គ្រាមអ៊ុយក្រែន