ព័ត៌មានអន្ដរជាតិ
រុស្ស៊ី ថា លោកខាងលិច កំពុងលេងជាមួយភ្លើង រឿងផ្តល់យន្តហោះចម្បាំង F-16 ទៅឲ្យ អ៊ុយក្រែន
កាលពីថ្ងៃចន្ទទី២៩ខែឧសភា រដ្ឋមន្ត្រីការបរទេសរុស្ស៊ីលោក Sergei Lavrov បាននិយាយថា ប្រទេសលោកខាងលិច កំពុង “លេងជាមួយភ្លើង” ដោយការយល់ព្រមផ្តល់យន្តហោះចម្បាំង F-16 ទៅឲ្យអ៊ុយក្រែន។

ស្របពេលជាមួយគ្នានោះ លោក Lavrov បានចោទប្រកាន់លោកខាងលិច ថាកំពុងធ្វើឲ្យសង្រ្គាមរីកកាន់តែធំឡើងៗ ដោយមិនអាចទទួលយកបាន ជុំវិញការគាំទ្រយោធាជាបន្តរបស់ខ្លួន ដល់ប្រទេសអ៊ុយក្រែន។
កាលពីដើមខែនេះ នាយករដ្ឋមន្ត្រីអង់គ្លេសលោក Rishi Sunak និងសមភាគីហូឡង់ លោក Mark Rutte បានយល់ព្រមបង្កើតសម្ព័ន្ធអន្តរជាតិមួយ ដើម្បីជួយទិញយន្តហោះចម្បាំង F-16 សម្រាប់អ៊ុយក្រែន ហើយប្រធានាធិបតីអាមេរិកលោក Joe Biden បានអនុម័តផែនការ អនុញ្ញាតឲ្យសម្ព័ន្ធមិត្តទាំងឡាយ បណ្តុះបណ្តាលកងកម្លាំងអ៊ុយក្រែនអំពីរបៀបប្រតិបត្តិការយន្តហោះចម្បាំង F-16 ដែលផលិតដោយសហរដ្ឋអាមេរិក។
និយាយអំពីប្រទេសលោកខាងលិច ដែលយល់ព្រមផ្តល់យន្តហោះចម្បាំងជំនាន់ទីបួនឲ្យអ៊ុយក្រែន លោក Lavrov បានលើកឡើងថា “គ្មានអ្វីត្រូវសង្ស័យទេ ពួកគេកំពុងលេងជាមួយភ្លើង។ លោកបានបរិហារថា វាជាការប៉ុនប៉ងដោយទីក្រុងវ៉ាស៊ីនតោន ទីក្រុងឡុងដ៍ និងផ្កាយរណបរបស់ពួកគេនៅក្នុងសហភាពអឺរ៉ុប ដើម្បីធ្វើឲ្យរុស្ស៊ីចុះខ្សោយ”។

គួរបញ្ជាក់ថា យន្តហោះចម្បាំង F-16 គឺជាសព្វាវុធដែលអ៊ុយក្រែនចង់បានបំផុត ចាប់តាំងពីខ្លួន ទទួលបានរថក្រោះប្រយុទ្ធសំខាន់ៗពីសហរដ្ឋអាមេរិក ចក្រភពអង់គ្លេស និងអាល្លឺម៉ង់។
ឥឡូវនេះ ទីក្រុងកៀវជឿជាក់ថា យន្តហោះទាំងនោះ អាចមានសារសំខាន់នៅក្នុងសង្គ្រាម និងមានសារសំខាន់សម្រាប់សន្តិសុខរយៈពេលវែងរបស់ប្រទេស។
ការព្រមានរបស់លោក Lavrov បានកើតឡើង ក្រោយពេលរុស្ស៊ី បើកការវាយប្រហារដោយយន្តហោះគ្មានមនុស្សបើក ទ្រង់ទ្រាយធំបំផុតរបស់ខ្លួនលើទីក្រុងកៀវ។
ការវាយប្រហារ២យប់ជាប់គ្នា គឺមានការចូលរួមពីសំណាក់យន្តហោះគ្មានមនុស្សបើកចំនួន៥៤គ្រឿង ហើយវាកើតឡើងចំពេលនៃការប្រារព្ធពិធីរំលឹកខួប ១៥៤១ឆ្នាំ ចាប់តាំងពីទីក្រុង កៀវ ត្រូវបានបង្កើតឡើង៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ រុស្ស៊ី ព្រមាន អំពីការរីកកាន់តែធំ នៃសង្គ្រាមអ៊ុយក្រែន

-
ព័ត៌មានអន្ដរជាតិ៩ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១៩ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?