ព័ត៌មានអន្ដរជាតិ

លោក Pita ប្រកាសដោះស្រាយបញ្ហាថ្មីចំនួន ៧ ពេលឡើងកាន់អំណាច

បានផុស

២ years មុន

នៅ

ថ្ងៃព្រហស្បតិ៍ ៨ មិថុនា ២០២៣

ដោយ

ក្រុមចម្រុះថៃដែលដឹកនាំគណបក្សចលនាឆ្ពោះទៅមុខ បានសម្រេចបង្កើតគណៈកម្មការមួយដែលមានសមាជិកចំនួន ៨ រូបដើម្បីពិនិត្យមើលការងារផ្សេងៗ ក៏ដូចជាដោះស្រាយបញ្ហាទាំងឡាយដែលបានចុះក្នុងអនុស្សរណៈនៃការយោគយល់គ្នា (MoU) ជាមួយដៃគូចម្រុះទាំង ៨ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អនាគតនាយករដ្ឋមន្ត្រីថ្មីរបស់ថៃលោក Pita Limjaroenrat ដែលជាមេដឹកនាំគណបក្សចលនាឆ្ពោះទៅមុខ បានប្រកាសកាលពីថ្ងៃពុធថា លោកនឹងធ្វើជាប្រធានគណៈកម្មាធិការថ្មីនេះ ហើយលោកក៏បានបង្ហាញពីបញ្ហាដែលត្រូវដោះស្រាយចំនួន ៧ ផងដែរ នៅពេលលោកឡើងកាន់អំណាច ខណៈបញ្ហាទាំងនោះមានដូចជា៖

១. ការឡើងថ្លៃអគ្គិសនី និងឥន្ធនៈ

២. ផលប៉ះពាល់នៃគ្រោះរាំងស្ងួត និងបាតុភូត El Niño

៣. ភាពចលាចលនៅភាគខាងត្បូងប្រទេស

៤. វិសោធនកម្មរដ្ឋធម្មនុញ្ញ

៥. ការបំពុលខ្យល់ និងបញ្ហាបរិស្ថានផ្សេងទៀត

៦. បញ្ហាផ្នែកសេដ្ឋកិច្ច

៧. បញ្ហាគ្រឿងញៀន

លោក Pita បញ្ជាក់ថា រដ្ឋាភិបាលថ្មីនឹងធ្វើការ ក៏ដូចជាស្វែងរកដំណោះស្រាយចំពោះកង្វល់ និងបញ្ហារបស់ប្រជាពលរដ្ឋថៃដែលកំពុងកើតមានទាំងនេះ ខណៈក្រុមចម្រុះនឹងជួបប្រជុំគ្នារៀងរាល់សប្តាហ៍ផងដែរ ដើម្បីផ្តល់ជូនសាធារណជននូវព័ត៌មានថ្មីៗជាប្រចាំ ពាក់ព័ន្ធនឹងលទ្ធផលផ្លែផ្កាណាមួយ ៕

ប្រែសម្រួលដោយ ៖ ជីវ័ន្ត

ប្រភព ៖ The Nation Thailand

ចុចអាន ៖ ដឹងទេ ក្រោយបោះឆ្នោតប៉ុន្មានថ្ងៃទើប ថៃ ប្រកាសលទ្ធផលផ្លូវការ