Connect with us

ព័ត៌មានអន្ដរជាតិ

១៦រដ្ឋនៅអាមេរិក គ្របដណ្តប់ដោយផ្សែងពុលគ្រោះថ្នាក់ ខណៈជើងហោះហើររាប់ពាន់ ត្រូវពន្យារពេល

បានផុស

នៅ

ផ្សែងពុលដ៏គ្រោះថ្នាក់ពីភ្លើងឆេះព្រៃដែលកំពុងបន្តនៅក្នុងប្រទេសកាណាដា បានគ្របដណ្តប់ផ្ទៃមេឃលើភាគឦសានសហរដ្ឋអាមេរិក ដែលជាហេតុជំរុញឲ្យមានការជូនដំណឹង ព្រមានអំពីគុណភាពខ្យល់ធ្ងន់ធ្ងរនៅក្នុងរដ្ឋយ៉ាងតិច ១៦ ។

(រូបថត៖ AP)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រី​កាណាដា​​និយាយ​ថា ក្រុម​អ្នក​ពន្លត់​អគ្គិភ័យ​កំពុង​តែ​ព្យាយាម​ពន្លត់​ភ្លើង​ឆេះព្រៃ ហើយគិតត្រឹមពេលនេះ ភ្លើងបានឆេះព្រៃក្នុងប្រទេសកាណាដា អស់ជាង ៨.៧ លានហិកតាហើយ ពោលគឺមានទំហំធំជាងរដ្ឋ Vermont របស់អាមេរិកទៅទៀត។

ស្របពេលជាមួយគ្នានោះ អ្នកជំនាញនិយាយថា ស្ថានភាពខ្យល់មិនល្អ ត្រូវបានគេរំពឹងថាអូសបន្លាយពេលច្រើនថ្ងៃទៀត ខណៈភ្លើងឆេះព្រៃមួយចំនួននៅតែបន្តឆេះដោយមិនអាចគ្រប់គ្រងបាន។

(រូបថត៖ AP)

យោងតាមលោក Mark Wysocki អ្នកជំនាញផ្នែកគុណភាពខ្យល់ នៅសាកលវិទ្យាល័យ Cornell បាននិយាយថា ផ្សែងនេះ គឺបណ្តាលមកពីភ្លើងឆេះព្រៃជាច្រើន ដែលកំពុងឆេះនៅក្នុងទីក្រុង Quebec។

កាលពីថ្ងៃពុធ ទី៧ ខែមិថុនា ទីក្រុងញូវយ៉ក បានបំបែកកំណត់ត្រារបស់ខ្លួន សម្រាប់សន្ទស្សន៍គុណភាពខ្យល់ខ្ពស់បំផុត ចាប់តាំងពីកំណត់ត្រាបានចាប់ផ្តើមក្នុងឆ្នាំ ១៩៩៩ ខណៈផ្ទៃមេឃប្រែទៅជាពណ៌ទឹកក្រូចគួរឲ្យភ្ញាក់ផ្អើលជាទីបំផុត។

(រូបថត៖ AFP)

ទន្ទឹមនោះ រដ្ឋបាលអាកាសចរណ៍សហព័ន្ធអាមេរិក (FAA) បានពន្យារពេលជើងហោះហើររាប់រយជើង ពីអាកាសយានដ្ឋានទីក្រុង New York និង Philadelphia ដោយសារតែ ផ្ទៃមេឃពោរពេញដោយផ្សែង មើលផ្លូវមិនឃើញ។

ទីភ្នាក់ងារនេះ ក៏បានផ្អាកជើងហោះហើរមួយរយៈពេលខ្លី ដែលឆ្ពោះទៅកាន់អាកាសយានដ្ឋាន LaGuardia ផងដែរ។ ជារួម ជើងហោះហើរជាង ២,០០០ ត្រូវបានពន្យារពេលនៅសហរដ្ឋអាមេរិកកាលពីថ្ងៃពុធ ថ្វីបើវាមិនមែនសុទ្ធតែបណ្តាលមកពីភ្លើងឆេះព្រៃក៏ដោយ៕

ប្រែសម្រួល៖ Vann Vann

ប្រភព៖​ Sputnik, ABC

ចុចអាន៖ ខេត្តមួយនៅកាណាដា ប្រកាសអាសន្ន ដោយសារភ្លើងឆេះព្រៃ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២២ ម៉ោង មុន

កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក

ក្រុងប៉ោយប៉ែត
សន្តិសុខសង្គម២១ ម៉ោង មុន

ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ

សន្តិសុខសង្គម២ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានអន្ដរជាតិ២២ ម៉ោង មុន

ការ​ខូចខាត​បឋម ព្រោះ​គ្រោះរញ្ជួយដីដ៏ខ្លាំងក្លា​ដែល​វាយប្រហារអាស៊ីអាគ្នេយ៍

ព័ត៌មានអន្ដរជាតិ២២ ម៉ោង មុន

នាយករដ្ឋមន្ត្រី​ថៃ ដាក់​ចេញ​បទបញ្ជា​​បន្ទាន់ដើម្បី​គ្រប់គ្រង់​គ្រោះរញ្ជួយដី​

Sokha Hotels

ព័ត៌មានពេញនិយម