ព័ត៌មានអន្ដរជាតិ
កងកម្លាំងអ៊ូហ្គង់ដានៅប្រទេសសូម៉ាលីសម្លាប់យុទ្ធជនអាល់សាបាប ១៨៩ នាក់
កងកម្លាំងការពារជាតិរបស់ប្រជាជនអ៊ូហ្គង់ដា (UPDF) កាលពីថ្ងៃសុក្របានអះអាងថាបានសម្លាប់យុទ្ធជនអាល់សាបាប (al-Shabaab) ចំនួន ១៨៩ នាក់នៅក្នុងប្រតិបត្តិការមួយនៅប្រទេសសូម៉ាលី ។
និយាយទៅកាន់ភ្នាក់ងារព័ត៌មាន Anadolu តាមទូរស័ព្ទអ្នកនាំពាក្យរងរបស់កងទ័ពលោកវរសេនីយ៍ទោ Deo Akiki បាននិយាយថា “កាលពីថ្ងៃសុក្រ កងអនុសេនាធំ UPDF ដែលស្ថិតនៅក្រោមបេសកកម្មសហភាពអាហ្វ្រិកនៅសូម៉ាលី (AMISOM) បានសម្លាប់យុទ្ធជនអាល់សាបាបយ៉ាងហោចណាស់ ១៨៩ នាក់នៅក្នុងប្រទេសសូម៉ាលី” ។

លោកបានបន្ថែមថា “នេះគឺជាចំនួនអ្នកប្រយុទ្ធអាល់សាបាបធំបំផុតដែលត្រូវបានសម្លាប់ក្នុងមួយថ្ងៃ” ។
UPDF បានចេញសេចក្តីថ្លែងការណ៍មួយដោយនិយាយថា កងទ័ពអ៊ូហ្គង់ដាបានវាយឆ្មក់កន្លែងលាក់ខ្លួនរបស់ក្រុមអាល់សាបាបក្នុងភូមិ Sigaale ចម្ងាយប្រមាណ ៩៩ គីឡូម៉ែត្រ ភាគនិរតីនៃទីក្រុង Mogadishu ។
សេចក្តីថ្លែងការណ៍បាននិយាយថា អាវុធ និងសម្ភារៈជាច្រើនដែលត្រូវបានប្រើដោយភេរវករត្រូវបានបំផ្លាញ ហើយបន្ថែមថា UPDF ក៏បានបង្អាក់ការប្រជុំរបស់ក្រុមអាល់សាបាបផងដែរដោយបានបង្ករបួសដល់ភេរវករជាច្រើននៅដុនកាដាកាហ្វដែលស្ថិតនៅចម្ងាយ ៧ គីឡូម៉ែត្រពីទីប្រជុំជន Janaale ។

អស់រយៈពេលជាង ១០ ឆ្នាំមកហើយ UPDF បានរក្សាសន្តិភាពនៅប្រទេសសូម៉ាលី ហើយក៏បានបាត់បង់អាយុជីវិតទាហានជាង ២០ នាក់ចាប់តាំងពី UPDF បានទៅទីនោះ ។ អ៊ូហ្គង់ដាគឺជាប្រទេសដំបូងគេដែលបានបញ្ជូនកងកម្លាំងរក្សាសន្តិភាពទៅកាន់ប្រទេសសូម៉ាលី ។
ក្នុងប៉ុន្មានថ្ងៃថ្មីៗនេះក្រុមសកម្មប្រយុទ្ធអាល់សាបាបបានបង្កើនការវាយប្រហារទៅលើកងកម្លាំងសន្តិសុខ នៅពេលដែលក្រុមបេសកកម្មសហភាពអាហ្រ្វិក និងទាហានកងទ័ពជាតិសូម៉ាលីបន្តរុញច្រានក្រុមនេះចេញពីបន្ទាយនានាក្នុងប្រតិបត្តិការយោធាជាបន្តបន្ទាប់ ៕

ប្រែសម្រួលដោយ ៖ ជីវ័ន្ត
ប្រភព ៖ Anadolu

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ