បុរាណវិទូប៉ូឡូញ អះអាង រកឃើញផ្នូរកប់បិសាចជញ្ជក់ឈាម ជាង៤០០នាក់ 

ផ្នូរដ៏ធំ ដែលមានកប់នូវអ្វីដែលគេសន្មត់ថាជា បិសាចជញ្ជក់ឈាមជាង៤០០នាក់ ត្រូវបានរកឃើញក្នុងអំឡុង ការឈូសឆាយធ្វើផ្លូវនៅប្រទេសប៉ូឡូញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះការរកឃើញនៅភូមិ Luzino ភាគឦសានប្រទេស, គេមានឃើញគ្រោងឆ្អឹងមួយចំនួនក្នុងចំណោម៤៥០ ត្រូវបានកាត់ក្បាល ហើយលលាដ៍របស់ពួកគេ បានដាក់នៅចន្លោះជើង និងកាក់មួយដាក់នៅក្នុងមាត់ទៀតផង។

ការអនុវត្តបែបនេះគឺជារឿងធម្មតាសម្រាប់តំបន់នេះ ក្នុងអំឡុងសតវត្សរ៍ទី១៩ ពាក់ព័ន្ធនឹងជំនឿថា ដើម្បីលុបបំបាត់បណ្តាសាបិសាច។

បុរាណវិទូឈ្មោះ Maciej Stromski បាននិយាយថា “យើងបានរកឃើញឧទាហរណ៍នៃជំនឿដែលថា អ្នកស្លាប់នឹងងើបចេញពីផ្នូរ ប៉ុន្តែគេអាចបញ្ឈប់បាន ដោយការកាត់ក្បាល។ គេជឿថា ប្រសិនបើក្រោយពិធីបុណ្យសព ហើយភ្លាមៗមានសមាជិកគ្រួសាររបស់អ្នក ត្រូវស្លាប់បន្តទៀតនោះ គាត់ឬនាងអាចក្លាយជាបិសាចជញ្ជក់ឈាម”។

បុរាណវិទូខាងលើបន្តថា “ដូច្នេះ ក្រោយ​ពី​បញ្ចុះ​សព​រួច គេត្រូវជីកផ្នូរ ហើយកាត់​ក្បាល​អ្នក​ស្លាប់ ទៅដាក់​នៅចន្លោះ​ជើង”។ លោក​បន្ថែម​ថា ​ប្រហែល៣០%ក្នុងចំណោម​ផ្នូរ​ដែលប្រទះ​ឃើញ អ្នក​ស្រាវជ្រាវ​ក៏​បាន​រក​ឃើញ​ឥដ្ឋ ​ដាក់​នៅ​ជាប់​​ជើង ដៃ និង​ក្បាល​របស់​គ្រោងឆ្អឹងផងដែរ។

ទោះបីជាយ៉ាងណាក៏ដោយ នេះគឺជាគ្រាន់តែជាការសន្មត់របស់បុរាណវិទូប៉ុណ្ណោះ ហើយការពិតដែលថា បិសាចជញ្ជក់ឈាម មានជាមែននោះ គឺគេមិនដឹងច្បាស់ឡើយ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ ទាំងនេះជាប្រភេទខ្មោច-បិសាច ល្បីៗដែលគេនិយមក្នុងពិធីបុណ្យ Halloween