ណាតូ ចាប់ផ្តើមសមយុទ្ធដែនអាកាស ធំបំផុតក្នុងប្រវត្តិសាស្ត្រ

នៅថ្ងៃចន្ទទី១២ខែមិថុនា អង្គការណាតូ នឹងចាប់ផ្តើមសមយុទ្ធកងទ័ពអាកាសធំបំផុតនៅអឺរ៉ុបក្នុងប្រវត្តិសាស្ត្ររបស់ខ្លួន ដើម្បីបង្ហាញពីការរួបរួមជាមួយដៃគូ និងប្រឆាំងការគំរាមកំហែងដ៏មានសក្តានុពលពីសត្រូវដូចជារុស្ស៊ីជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមយុទ្ធ “Air Defender 23” ដឹកនាំដោយប្រទេសអាល្លឺម៉ង់ នឹងដំណើរការរហូតដល់ថ្ងៃទី២៣ខែមិថុនា ហើយមានការចូលរួមពីសំណាក់យន្តហោះយោធាប្រហែល២៥០គ្រឿង មកពីសមាជិកណាតូ២៥ប្រទេស និងបណ្តាប្រទេសជាដៃគូរួមទាំងជប៉ុន និងស៊ុយអែតផងដែរ។

លើសពីនេះ យោធារហូតដល់១ម៉ឺននាក់ នឹងចូលរួមក្នុងសមយុទ្ធនេះ ដែលមានបំណងជំរុញអន្តរប្រតិបត្តិការ និងការត្រៀមលក្ខណៈដើម្បីការពារប្រឆាំងយន្តហោះគ្មានមនុស្សបើក និងមីស៊ីល ក្នុងករណីមានការវាយប្រហារលើទីក្រុង អាកាសយានដ្ឋាន ឬកំពង់ផែសមុទ្រនៅក្នុងទឹកដីរបស់ណាតូ។

គ្រាន់តែសហរដ្ឋអាមេរិកម្នាក់ឯង បានបញ្ជូនបុគ្គលិកឆ្មាំជាតិអាកាសរហូតដល់ទៅ ២,០០០ នាក់ និងយន្តហោះប្រហែល ១០០ គ្រឿងទៅហើយ ដើម្បីចូលរួមក្នុងសមយុទ្ធនេះ។

គួរបញ្ជាក់ថា ថ្វីបើសមយុទ្ធនេះបានគ្រោងទុកអស់រយៈពេលជាច្រើនឆ្នាំមកហើយក៏ដោយ ប៉ុន្តែការលុកលុយរបស់រុស្ស៊ីលើអ៊ុយក្រែនក្នុងខែកុម្ភៈឆ្នាំ២០២២ បានជំរុញឲ្យអង្គការណាតូ គិតគូរវែងឆ្ងាយនិងប្រយ័ត្នប្រយែង ចំពោះការរៀបចំសកម្មភាពយោធាណាមួយ៕

ប្រែសម្រួល៖ Vann Vann

ប្រភព៖ CNA

ចុចអាន៖ ណាតូ រៀបចំធ្វើសមយុទ្ធដែនអាកាស ធំបំផុត ក្នុងប្រវត្តិសាស្រ្ត ដើម្បីកំញើញសត្រូវ