បង្ហាញមុខតារាចម្រៀងដែលជា Idol សំណព្វរបស់ប្រធានាធិបតី ពូទីន

យោងតាមប្រភពពីប្រព័ន្ធផ្សព្វផ្សាយ Asiaone បានទម្លាយថា កំពូលមេដឹកនាំរុស្ស៊ីលោក វ្ល៉ាឌីមៀរ ពូទីន គឺជាអ្នកគាំទ្ររបស់តារាចម្រៀងអង់គ្លេសលោក Elton John ជាយូរឆ្នាំណាស់មកហើយ។

ប្រភពដដែលបានបន្តថា ពូទីន ចូលចិត្តស្ដាប់បទចម្រៀងរបស់លោក Elton John ខ្លាំងបំផុត ហើយជារៀងរាល់ឆ្នាំប្រធានាធិបតីរូបនេះតែងតែផ្ញើសារជូនពរខួបកំណើត Idol របស់លោកទៀតផង។

បើតាមការបញ្ជាក់ពីស្វាមីរបស់លោក Elton គឺលោក David Furnish បានប្រាប់កាសែត The Guardian ថា រៀងរាល់ថ្ងៃទី២៥ ខែមីនា លោកនិង Elton តែងតែទទួលបានសារជូនពរថ្ងៃកំណើតពី WhatsApp ពីរដ្ឋមន្ត្រីសុខាភិបាលរុស្ស៊ី ដែលជំនួសមុខ ពូទីន ។ មិនតែប៉ុណ្ណោះលោក ពូទីន ធ្លាប់ទាំងទូរសព្ទផ្ទាល់មកលោក Elton ទៀតផង កាលពីកំលុងឆ្នាំ២០១៥ បន្ទាប់ពីអ្នកកំប្លែងពីរនាក់ បានទូរសព្ទ Prank តារាចម្រៀងរ៉ុករូបនេះ៕

ប្រែសម្រួល៖ សន្យា

ចុចអាន៖ ប្រទេសអាហ្វ្រិកខាងត្បូង នឹងមិនចាប់ខ្លួនលោក ពូទីន តាមដីការបស់ ICC ទេ

ចុចអាន៖ Mario និង Baifern ឈ្នះពានរង្វាន់តារាសម្ដែងឆ្នើមប្រចាំឆ្នាំ