ព័ត៌មានអន្ដរជាតិ

ទស្សនិកជនសើចចំអកឲ្យនារី ចិន ដែលយកឥដ្ឋមកកម្មវិធី ក្រោយដឹងតម្លៃពិតរាប់លានដុល្លារឯណោះ

បានផុស

១ year មុន

នៅ

ថ្ងៃអង្គារ ១៣ មិថុនា ២០២៣

ដោយ

ស្ត្រីម្នាក់ត្រូវបានទស្សនិកជនសើចចំអកពេលនាងយកឥដ្ឋ មកប្រគល់ឲ្យអ្នកជំនាញវាយតម្លៃក្នុងកម្មវិធីដ៏ល្បីល្បាញមួយរបស់ចិន។ ប៉ុន្តែនៅពេលស្តាប់ការវាយតម្លៃរបស់អ្នកជំនាញ គ្រប់គ្នាបិទមាត់ដែលធ្លាប់សើច ប្រែទៅជាការភ្ញាក់ផ្អើលពេញឆាកតែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីពេលថ្មីៗនេះមានការភ្ញាក់ផ្អើលមួយ នៅពេលដែលស្រ្តីម្នាក់បានចូលរួមនៃកម្មវិធីរបស់ទូរទស្សន៍កណ្ដាលចិន (CCTV) ដោយនាំយកផ្ទាំងឥដ្ឋទៅឲ្យអ្នកជំនាញវាយតម្លៃ។ ប៉ុន្តែគ្មាននរណាម្នាក់នឹកស្មានថា វត្ថុគ្មានជីវិត និងមិនស្រស់ស្អាតនេះ ប្រែក្លាយជាកំណប់មានតម្លៃដ៏សម្បើមនោះទេ។

បន្ទាប់ពីណែនាំខ្លួន ស្ត្រីនោះបានយកវត្ថុដែលមានរូបរាងដូចឥដ្ឋខុសពីអ្នកដទៃ ដែលបានចូលរួមក្នុងកម្មវិធី ជាធម្មតានាំមកនូវត្បូង ប៉សឺឡែន ជក់ ឬគំនូរដែលត្រូវវាយតម្លៃដោយអ្នកជំនាញ ដូច្នេះហើយពេលទស្សនិកជនឃើញឥដ្ឋនេះទប់សំណើចមិនបាន។ ព្រោះគាត់គិតថាវាមិនស័ក្ដិសមនឹងកម្មវិធី ហើយគ្មានតម្លៃអ្វីទាំងអស់។

យ៉ាងណាក៏ដោយ ស្ត្រីរូបនេះមិនខ្វល់ពីយោបល់អ្នកដទៃពេកទេ។ នាងបានទទូចថាវត្ថុដែលនាងបាននាំមកគឺជាកំណប់ទ្រព្យដ៏មានតម្លៃខ្លាំងណាស់។ ហើយនាងស្រឡាញ់វាខ្លាំងថែមទៀត ខណៈនាងបានបន្ថែមថា ផ្ទះពីរត្រូវបានលក់ជាថ្នូរនឹងឥដ្ឋ ប៉ុន្តែនាងមិនដឹងថាវាជារបស់រាជវង្សណា និងតម្លៃពិតប្រាកដរបស់វានោះទេ។ ដូច្នេះ នាងមកទីនេះដើម្បីធ្វើការវាយតម្លៃពីអ្នកជំនាញ។

តាមពិត ឥដ្ឋដែលក្មេងស្រីនាំយកមកគឺជាប្រអប់ព្រីនឬក្ដារលាយទឹកថ្នាំខ្មៅ ជាវត្ថុរបស់អ្នកនិពន្ធបុរាណ។ ដោយសារតែនាងកើតក្នុងគ្រួសារដែលស្រលាញ់ការសរសេរអក្សរផ្ចង់។ ដូច្នេះហើយ ទើបនាងមានចំណេះដឹង និងការយល់ដឹងខ្លះៗក្នុងវិស័យនេះ ហើយបានឃើញក្ដារលាយទឹកថ្នាំ ទើបចាប់អារម្មណ៍ភ្លាមៗ។

បន្ទាប់ពីការពិនិត្យយ៉ាងហ្មត់ចត់ អ្នកជំនាញបានសន្និដ្ឋានថា ទឹកថ្នាំមឹកធ្វើដោយដៃ កើតនៅក្នុងរាជវង្សសុងកាលពីជាង ៨០០ឆ្នាំមុន វាត្រូវបានធ្វើពីថ្មដ៏កម្រនិងធ្ងន់។ រូបរាងដ៏សាមញ្ញ ប៉ុន្តែឆើតឆាយរបស់វាគឺជារចនាប័ទ្មតិចតួចបំផុតដែលអ្នកនិពន្ធរាជវង្សសុងចូលចិត្តខ្លាំងណាស់។ ទោះបីជាច្រើនឆ្នាំបានកន្លងផុតទៅក៏ដោយ។ ប៉ុន្តែប្រអប់ព្រីននៅតែរក្សាទុកបានយ៉ាងល្អ មិនមានការខូចខាតច្រើនទេ។ ដូច្នេះតម្លៃវប្បធម៌ ប្រវត្តិសាស្ត្រ ហើយតម្លៃទីផ្សាររបស់វាក៏ខ្ពស់ផងដែរ

ទោះយ៉ាងណាក៏ដោយ ក្រោយការវាយតម្លៃចប់ទាំងស្ត្រីរូបនេះនិងទស្សនិកជនមានការភ្ញាក់ផ្អើលជាខ្លាំង។ គ្រប់គ្នាបានរង់ចាំយ៉ាងអន្ទះសារ ដើម្បីឲ្យអ្នកជំនាញវាយតម្លៃដោយប្រុងប្រយ័ត្ន។ នៅទីបញ្ចប់ អ្នកជំនាញបានកំណត់ថាវាមានតម្លៃយ៉ាងហោចណាស់ ១ លានយន់ (ជាង ៤.៨លានដុល្លារ) និងអាចលក់បានក្នុងតម្លៃខ្ពស់ជាងនេះផងដែរ៕