ព័ត៌មានអន្ដរជាតិ

សម្ព័ន្ធមិត្តរុស្ស៊ី នឹងបាញ់នុយក្លេអ៊ែរភ្លាម បើទឹកដីរបស់ខ្លួន ត្រូវគេវាយប្រហារ

បានផុស

២ years មុន

នៅ

ថ្ងៃពុធ ១៤ មិថុនា ២០២៣

ដោយ

ប្រធានាធិបតីបេឡារុស លោក Alexander Lukashenko និយាយថា លោកបានដាក់សំណើសុំឲ្យសម្ព័ន្ធមិត្តរុស្ស៊ី យកអាវុធនុយក្លេអ៊ែរយុទ្ធសាស្ត្រមួយចំនួន មកដាក់នៅក្នុងប្រទេសរបស់ខ្លួន ដើម្បីជាការកំញើញ។ លោកបញ្ជាក់ថា លោកនឹងមិនស្ទាក់ស្ទើរឡើយ ក្នុងការបាញ់វាភ្លាមៗ ប្រសិនបើប្រទេសរបស់ខ្លួន រងការវាយប្រហារ។

លោក Alexander Lukashenko ជាមួយលោក ពូទីន (រូបថត៖ Reuters)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មេដឹកនាំបេឡារុស និយាយថា “នោះជាសំណើរបស់ខ្ញុំ។ រុស្ស៊ីមិនបានដាក់សំណើមកខ្ញុំទេ គ្មាននរណាធ្វើសង្រ្គាមជាមួយរដ្ឋនុយក្លេអ៊ែរឡើយ ហើយខ្ញុំក៏មិនចង់ឲ្យអ្នកណាធ្វើសង្រ្គាមជាមួយយើងដែរ។ តើមានការគំរាមកំហែងបែបនេះទេ? មែនហើយ ខ្ញុំត្រូវតែទប់ទល់នឹងការគំរាមកំហែងនេះ”។

លោកបានសង្កត់ធ្ងន់ថា “ព្រះបានហាមខ្ញុំមិនឲ្យសម្រេចចិត្ត ក្នុងការប្រើប្រាស់អាវុធប្រភេទនេះនៅសម័យរបស់យើង ប៉ុន្តែខ្ញុំនឹងមិនស្ទាក់ស្ទើរឡើយ ប្រសិនបើមានការរំលោភបំពានមកលើយើង”។

អាវុធនុយក្លេអ៊ែររបស់រុស្ស៊ី (រូបថត៖ Reuters)

លើសពីនេះ រដ្ឋាភិបាលទីក្រុង Minsk បានចោទប្រកាន់សមាជិកណាតូ ដែលមានព្រំប្រទល់ជាប់បេឡារុស ជាពិសេសប៉ូឡូញ ពីការរក្សាចំនួនទាហានដ៏ច្រើនលើសលប់ នៅក្នុងទីតាំងដែលអាចបើកការវាយប្រហារណាមួយបាន។ លោកក៏ចោទអ៊ុយក្រែន ពីបទបង្កហេតុជាច្រើនលើកច្រើនសានៅជិតព្រំដែនបេឡារុសផងដែរ។

គួរបញ្ជាក់ជាថ្មី ទីក្រុងមូស្គូបានប្រកាសពីការសម្រេចចិត្តរបស់ខ្លួន ក្នុងការដាក់អាវុធនុយក្លេអ៊ែរនៅប្រទេសបេឡារុស កាលពីខែមីនា។ រុស្ស៊ីអះអាងទៀតថា ការធ្វើបែបនេះ គឺមិនខុសពីអ្វីដែលអាមេរិកបានធ្វើអស់រយៈពេលជាច្រើនទសវត្សរ៍មកហើយនោះទេ ដោយទីក្រុងវ៉ាស៊ីនតោន បានរក្សាឃ្លាំងអាវុធនុយក្លេអ៊ែររបស់ខ្លួន នៅក្នុងប្រទេសដែលមិនមាននុយក្លេអ៊ែរដូចជា តួកគី បែលហ្ស៊ិក ឬអ៊ីតាលីជាដើម៕

ប្រែសម្រួល៖ Vann Vann

ប្រភព៖ RT

ចុចអាន៖ រុស្ស៊ី នឹងដាក់អាវុធនុយក្លេអ៊ែរនៅ បេឡារុស ជាប់មាត់ទ្វារព្រំដែនជាមួយ ណាតូ