លោក Blinken បញ្ជាក់គោលបំណង សម្រាប់ដំណើរទស្សនកិច្ចទៅ ចិន

រដ្ឋមន្ត្រីការបរទេសអាមេរិក លោក Antony Blinken បាននិយាយកាលពីថ្ងៃសុក្រទី១៦ខែមិថុនាថា ដំណើរទស្សនកិច្ចរបស់លោក ទៅកាន់ប្រទេសចិននាពេលខាងមុខ គឺមានគោលបំណងជំរុញទំនាក់ទំនងឲ្យកាន់តែប្រសើរឡើង ដោយការដោះស្រាយភាពខ្វែងគំនិតគ្នា និងចៀសវាងការគណនាខុសណាមួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Blinken និយាយថា “ការប្រកួតប្រជែងខ្លាំង គឺទាមទារឲ្យផ្នែកការទូតត្រូវធានាថា ការប្រកួតប្រជែង នឹងមិនឈានទៅដល់ការប្រឈមមុខដាក់គ្នា ឬជម្លោះនោះទេ។ នោះហើយជាអ្វីដែលពិភពលោកចង់បានពីទាំងសហរដ្ឋអាមេរិក និងចិន”។

គួរបញ្ជាក់ថា លោក Blinken នឹងធ្វើកិច្ចពិភាក្សានៅថ្ងៃអាទិត្យនិងថ្ងៃចន្ទ ក្នុងទីក្រុងប៉េកាំង សម្រាប់ដំណើរលើកដំបូងរបស់អ្នកការទូតអាមេរិកកំពូល នារយៈពេលជិតប្រាំឆ្នាំមកនេះ។

ដំណើរ​​នេះ ​ត្រូវ​បានរៀបចំសាជាថ្មី បន្ទាប់​ពី​សហរដ្ឋ​អាមេរិក​ បាន​លុប​ចោល​ដំណើរ​ទស្សនកិច្ច​របស់លោក Blinken ទៅ​ទីក្រុង​ប៉េកាំងកាលពី​ខែ​កុម្ភៈ បន្ទាប់​ពីទី​ក្រុង​វ៉ាស៊ីនតោន​ ​និយាយ​ថា​ ខ្លួន​បាន​រក​ឃើញបាឡុងចារកម្មចិន ហើយ​ក្រោយ​មក​បាន​បាញ់​ទម្លាក់បាឡុងនោះ៕

ប្រែសម្រួល៖ Vann Vann

ប្រភព៖ CNA

ចុចអាន៖ លោក Blinken ផ្អាកដំណើរទស្សនកិច្ចទៅចិន ដោយសារបាឡុងហោះ