Connect with us

ព័ត៌មានអន្ដរជាតិ

រកឃើញសារធាតុម៉្យាងក្នុងអាហារ ជួយពន្យារភាពចាស់ និងអាយុរបស់មនុស្ស

បានផុស

នៅ

Taurine គឺជាអាស៊ីតអាមីណូដែលមាននៅក្នុងប្រូតេអ៊ីនសាច់ រួមទាំងសារាយសមុទ្រ អាហារបំប៉ន និងភេសជ្ជៈប៉ូវកម្លាំងមួយចំនួន ត្រូវបានចាត់ទុកថាជាទឹកដមនៃជីវិត (elixir of life) ដែលជួយពន្យឺតភាពចាស់ និងពន្យារអាយុជីវិតឲ្យបានយូរជាង ១០-២០% ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថប្រយោជន៍នៃ taurine ត្រូវបានគេរកឃើញដូចខាងលើ។ បន្ទាប់ពីក្រុមអ្នកស្រាវជ្រាវ​មកពី​មជ្ឈមណ្ឌល​វេជ្ជសាស្ត្រ​នៃ​សាកលវិទ្យាល័យ Columbia នៅសហរដ្ឋអាមេរិក។ ការសិក្សាត្រូវបាន​ធ្វើឡើងជាមួយ​នឹងការកើនឡើងនៃបរិមាណ taurine នៅក្នុងរបបអាហារ ជាមួយនឹងសត្វពិសោធន៍​ជាច្រើនដែលលូតលាស់ពេញលេញ និងស្ថិតក្នុង​ដំណាក់កាលកណ្តាល​នៃជីវិត លទ្ធផល​បាន​បង្ហាញ​ថា​​ពួកគេ​រស់នៅ​យ៉ាង​ហោច​ណាស់​១០%​ទៀត​ ​ហើយ​មាន​សុខភាព​ផ្លូវ​កាយ​និង​ផ្លូវចិត្ត​ល្អ​ប្រសើរ​ជាង​មុន​។

ទោះបីជាការកើនឡើង taurine នៅក្នុងមនុស្សមិនទាន់ត្រូវបានសាកល្បងក៏ដោយ។ ប៉ុន្តែលទ្ធផល​តេស្តខាងលើបង្ហាញថា ការបន្ថែមអាស៊ីតអាមីណូនេះ​ហាក់ដូចជាមាន​អត្ថប្រយោជន៍​ក្នុងការប្រឆាំងនឹងភាពចាស់ និងពន្យារអាយុជីវិតរបស់មនុស្ស។ នេះគឺ​ដោយសារ​តែទាំងមនុស្ស និងសត្វមានការថយចុះនៃបរិមាណ taurine នៅក្នុងខ្លួនរបស់​ពួកគេ​នៅ​ពេល​ដែល​ពួកគេចាស់។

​បើ​យោង​តាម​ការ​សិក្សា​មួយ​ដែល​បាន​ចុះ​ផ្សាយ​ក្នុង​ទស្សនាវដ្ដី Science ក្រុម​អ្នក​វិទ្យាសាស្ត្រ​វេជ្ជសាស្ត្រ​នៅ​សាកលវិទ្យាល័យ Columbia បានពិនិត្យបរិមាណ​សារធាតុគីមីផ្សេងៗ​នៅក្នុងឈាមរបស់មនុស្ស និងសត្វ ដោយ​ប្រៀបធៀប​ឈាម​របស់​សត្វ​មាន​ជីវិត​ដែល​នៅ​ក្មេង និង​មួយ​ដែល​ឈាន​ដល់​វ័យ​ចាស់។ រហូត​ដល់​គេ​រក​ឃើញ​ថា taurine ជា​សារធាតុ​គីមី​មួយ​ដែល​មាន​ការ​ថយ​ចុះ​ខ្លាំង​បំផុត​ជាង ៨០% នៅ​ពេល​មនុស្ស និង​សត្វ​កាន់​តែ​ចាស់។

លទ្ធផលបានបង្ហាញថា សត្វកណ្ដុរអាយុ ១៤ ខែ ដែលស្ថានភាពរាងកាយអាចប្រៀបធៀបទៅនឹងបុរសអាយុ ៤៥ ឆ្នាំ មានអាយុវែងជាង បន្ទាប់ពីត្រូវបានបន្ថែមសារធាតុ taurine រហូតដល់កម្រិតដែលបានរកឃើញនៅក្នុងសត្វកណ្តុរ​វ័យក្មេង។ សត្វកណ្ដុរឈ្មោលដែលទទួល taurine បន្ថែមក្នុងអំឡុងពេលជីវិតកណ្តាលរស់នៅ ១០% យូរជាងកណ្តុរញីនៃក្រុមអាយុដូចគ្នា១២% ។ ពួកគេរស់នៅចន្លោះពី ១០ ទៅ ២៣% យូរជាងនេះ៕

ប្រែសម្រួល៖ សាង ស្រីល័ក្ខ

ប្រភព៖BBC

ចុចអាន៖អ្នកវិទ្យាសាស្ត្ររកឃើញវិធី ធ្វើឲ្យមនុស្សមានអាយុវែងជាងមុន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១៩ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានជាតិ១៦ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានអន្ដរជាតិ២២ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

ព័ត៌មានជាតិ១៤ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានជាតិ១៥ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

Sokha Hotels

ព័ត៌មានពេញនិយម