ព័ត៌មានអន្ដរជាតិ
អាមេរិក ស្នើឲ្យសម្ព័ន្ធមិត្តជីកគាស់កាយស្តុកអាវុធមានទាំងប៉ុន្មានជួយ អ៊ុយក្រែន
រដ្ឋមន្ត្រីការពារជាតិសហរដ្ឋអាមេរិក លោក Lloyd Austin កាលពីពេលថ្មីៗនេះបានស្នើដល់សម្ព័ន្ធមិត្តឲ្យជីកគាស់កាយស្តុកអាវុធ និងទ្រព្យសម្បត្តិដែលមានទាំងប៉ុន្មានផ្ដល់ជូនយោធាអ៊ុយក្រែន ដើម្បីជួយទប់ទល់សង្គ្រាមជាមួយរុស្ស៊ី ដែលនៅតែអូសបន្លាយពេល ។
នៅក្នុងកិច្ចប្រជុំជាមួយក្រុមទំនាក់ទំនងផ្នែកការពារជាតិអ៊ុយក្រែន លោក Austin បានស្វាគមន៍ចំពោះការសន្យានាពេលថ្មីៗនេះរបស់សម្ព័ន្ធមិត្ត ហើយថែមទាំងស្នើឲ្យសមាជិកនៃក្រុមនេះ បន្តជីកគាស់កាយឲ្យអស់នូវសព្វាវុធការពារដែនអាកាស ដើម្បីជួយដល់ពលរដ្ឋអ៊ុយក្រែនពីការវាយប្រហាររបស់រុស្ស៊ី ។
លោកបានពន្យល់ថា រដ្ឋមន្ត្រីការពារជាតិរបស់អង្គការណាតូ ក៏នឹងពិភាក្សាអំពីតម្រូវការបន្ទាន់របស់កងទ័ពអ៊ុយក្រែន ក៏ដូចជាផែនការរយៈពេលវែងសម្រាប់ការហ្វឹកហ្វឺន និងការធានានូវអន្តរប្រតិបត្តិការរបស់រដ្ឋាភិបាលទីក្រុងកៀវ ។
ទន្ទឹមនោះ ហូឡង់ និងដាណឺម៉ាកក៏នឹងពន្យល់ប្រាប់រដ្ឋមន្ត្រីការពារជាតិ អំពីកម្មវិធីរបស់ពួកគេក្នុងការបណ្តុះបណ្តាលកងទ័ពអ៊ុយក្រែនឲ្យចេះប្រើយន្តហោះចម្បាំង F-16 ខណៈដែលអាល្លឺម៉ង់ និងប៉ូឡូញ ត្រៀមរាយការណ៍អំពីការផ្គត់ផ្គង់រថក្រោះខ្លារខិន Leopard ផងដែរ ។
ជាចុងក្រោយលោក Austin បានបញ្ជាក់ថា “នៅពេលនេះយើងនឹងបន្តផ្តល់អាវុធដែលមានសមត្ថភាពខ្លាំងៗដល់អ៊ុយក្រែន ដើម្បីបំពេញចន្លោះខ្វះខាត ក៏ដូចជាអាវុធទុកសម្រាប់ប្រើរយៈពេលវែងពីការលុកលុយរបស់រុស្ស៊ីផងដែរ” ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ ណាតូ ដាក់ចេញផែនការងាយៗសម្រាប់ អ៊ុយក្រែន ចូលជាសមាជិក
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា