ព័ត៌មានអន្ដរជាតិ

បញ្ហាចំនួន ៣ ដែលលោក Blinken នឹងលើកយកមកពិភាក្សាជាមួយ ចិន

បានផុស

២ years មុន

នៅ

ថ្ងៃអាទិត្យ ១៨ មិថុនា ២០២៣

ដោយ

រដ្ឋមន្ត្រីការបរទេសអាមេរិក លោក Antony Blinken កំពុងស្ថិតនៅលើផ្លូវធ្វើដំណើរទៅកាន់ទីក្រុងប៉េកាំងដើម្បីជួបជាមួយមន្ត្រីជាន់ខ្ពស់ចិន ខណៈលោកបានក្លាយជាមន្ត្រីជាន់ខ្ពស់ដំបូងគេនៃរដ្ឋបាលលោក Biden ដែលនឹងធ្វើទស្សនកិច្ចនៅប្រទេសចិន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើទោះបីជា ព័ត៌មានលម្អិតនៃកាលវិភាគរបស់លោក Blinken មិនត្រូវបានបង្ហាញក៏ដោយ ប៉ុន្តែលោកទំនងជាជួបពិភាក្សាជាមួយប្រធានាធិបតីចិនលោក Xi Jinping ខណៈរបៀបវារៈវិញនោះ អាចជាការផ្លាស់ប្តូរទស្សនៈស្តីពីទំនាក់ទំនងទ្វេភាគីតៃវ៉ាន់ និងជម្លោះនៅអ៊ុយក្រែន ជាពិសេសបញ្ហាទំនាក់ទំនងរវាងប្រទេសទាំងពីរផងដែរ ដែលកំពុងស្ថិតក្នុងកម្រិតទាបមែនទែន ។

ទន្ទឹមនោះ រដ្ឋមន្ត្រីការបរទេសអាមេរិករូបនេះ ក៏ទំនងជានឹងជួបពិភាក្សាការងារជាមួយរដ្ឋមន្ត្រីការបរទេសចិនលោក Qin Gang និងអ្នកការទូតកំពូលលោក Wang Yi ផងដែរ ។

លោក Blinken បានចាកចេញពីមូលដ្ឋានទ័ពអាកាសមួយនៅជិតទីក្រុងវ៉ាស៊ីនតោនកាលពីយប់ថ្ងៃសុក្រ ហើយនឹងមកដល់រដ្ឋធានីចិននៅថ្ងៃអាទិត្យនេះ ខណៈលោកនឹងបន្តស្នាក់នៅរហូតដល់ថ្ងៃចន្ទ ។

ដំបូងឡើយលោក Blinken ត្រូវបានកំណត់ពេលធ្វើដំណើរទៅកាន់ប្រទេសចិនក្នុងខែកុម្ភៈ ប៉ុន្តែការធ្វើដំណើរនេះត្រូវបានពន្យារពេល បន្ទាប់ពីបាឡុងចារកម្មចិនបានហោះពីលើទឹកដីសហរដ្ឋអាមេរិក ។

គួរបញ្ជាក់ថា គោលបំណងរបស់លោក Blinken នៃដំណើរទស្សនកិច្ចទៅកាន់ប្រទេសចិន គឺដើម្បីបង្កើតទំនាក់ទំនងបើកចំហ និងជំរុញឲ្យប្រទេសទាំងពីរអាចគ្រប់គ្រងទំនាក់ទំនងរបស់ពួកគេប្រកបដោយការទទួលខុសត្រូវ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ លោក Blinken បញ្ជាក់គោលបំណង សម្រាប់ដំណើរទស្សនកិច្ចទៅ ចិន