ព័ត៌មានអន្ដរជាតិ

ស្ត្រីនៅ វៀតណាម ត្រូវចោរឆក់ខ្សែកបែរឈរអស់សំណើច ដោយសារតែមូលហេតុមួយ

បានផុស

២ years មុន

នៅ

ថ្ងៃចន្ទ ១៩ មិថុនា ២០២៣

ដោយ

គេហទំព័រវៀតណាម thanhnien.vn រាយការណ៍អំពីករណីវីដេអូឃ្លិបមួយដែលត្រូវបានគេពិភាក្សាយ៉ាងច្រើននៅលើបណ្ដាញសង្គម។ បន្ទាប់ពីមានស្ត្រីម្នាក់ត្រូវចោរឆក់ខ្សែក ខណៈដើរបោសសំរាមមុខផ្ទះ ប៉ុន្តែប្រតិកម្មរបស់ជនរងគ្រោះបានធ្វើឲ្យគ្រប់គ្នាស្រឡាំងកាំង។ ព្រោះនាងនៅស្ងៀមមិនធ្វើអ្វីទាំងអស់ ហើយថែមទាំងសើចយ៉ាងសប្បាយរីករាយថែមទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងវីដេអូឃ្លិបគេឃើញនារីម្នាក់កំពុងបោសសំរាមនៅតាមផ្លូវមុខផ្ទះ ស្រាប់តែបុរសម្នាក់ជិះម៉ូតូមកជិត រួចក៏លូកដៃទៅទាញខ្សែកមាសនៅកនាងយ៉ាងរហ័ស។ អ្វីដែលគួរឲ្យភ្ញាក់ផ្អើលនោះគឺនាងមិនបានភ័យស្លន់ស្លោ ផ្ទុយទៅវិញ ស្ត្រីម្នាក់នេះបានសើចយ៉ាងខ្លាំង ហើយស្រែកប្រាប់ចោរដែលជិះចេញនោះថាវាជាមាសក្លែងក្លាយទេ។

ទាក់ទងនឹងហេតុការណ៍នេះ ជនរងគ្រោះអាយុ៤៥ឆ្នាំបានបង្ហើបឲ្យដឹងថា “ពេលនោះខ្ញុំសើច ហើយនិយាយខ្លាំងៗថាវាជាមាសក្លែងក្លាយ។ ហើយចោរក៏ធ្វើពុតជាបោះខ្សែក ប៉ុន្តែនៅទីបំផុត គាត់នៅតែរើសវា ហើយរត់គេចខ្លួន”។ ទោះយ៉ាងណា នាងបានរាយការណ៍ទៅប៉ូលិស ហើយខ្សែកដែលនោះនាងបានទិញក្នុងតម្លៃ ២៥ លានដុង (១.០៦២ដុល្លារ)។

យ៉ាងណាមិញ មកដល់ពេលនេះខាងសមត្ថកិច្ចបានឲ្យដឹងថា ហេតុការណ៍នេះបានកើតឡើងនៅរសៀលថ្ងៃទី១៦ មិថុនា ប្រជាពលរដ្ឋរាយការណ៍ពីករណីចោរឆក់លើដងផ្លូវ ។ ថ្មីៗនេះ ព័ត៌មានពីកាមេរ៉ា CCTV ត្រូវបានស្រង់ចេញជាភស្តុតាង។ បច្ចុប្បន្នខាងប៉ូលិសកំពុងស៊ើបអង្កេត ហើយនឹងបញ្ជាក់ព័ត៌មានបន្ថែមទៀត៕