ព័ត៌មានអន្ដរជាតិ

ឪពុកម្ដាយភ្ញាក់ព្រើត ក្រោយបើកកាតាបកូនស្រីត្រលប់ពីរៀនវិញ ឃើញសុទ្ធតែកង្កែប

បានផុស

១ year មុន

នៅ

ថ្ងៃចន្ទ ១៩ មិថុនា ២០២៣

ដោយ

ហ្វេសបុកផេក Tin Nóng Lạng Sơn បានចែករំលែករូបថតដ៏គួរឲ្យភ្ញាក់ផ្អើលប៉ុន្មានសន្លឹក ធ្វើឲ្យមហាជនអស់សំណើចយ៉ាងខ្លាំង ខណៈពេលដែលកូនសិស្សស្រីម្នាក់ ក្រៅពីត្រឡប់មកពីសាលារៀនវិញក៏មានវត្ថុអនុស្សាវរីយ៍ជូនដល់ផ្ទះផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងរូបភាពនោះមហាជនអាចមើលឃើញពីសំលៀកបំពាក់របស់ក្មេងស្រីប្រឡាក់ដោយភក់។ ព្រោះពេលនេះជាពេលចូលរដូវវស្សា ហើយតំបន់ជាច្រើននៃប្រទេសវៀតណាមមានភ្លៀងធ្លាក់ខ្លាំង។ ជាការពិតណាស់នៅពេលភ្លៀង កង្កែបលេចឡើងជាញឹកញាប់។ ក្មេងស្រីតូចនេះឆ្លៀតឱកាសនេះដើរកាត់ភក់ ហើយចាប់កង្កែបដាក់ពេញកាតាបរបស់នាង រហូតដល់ឪពុកម្តាយមានការភ្ញាក់ផ្អើលជាខ្លាំង បន្ទាប់ពីបើកមើលឃើញអំណោយដែលកូនស្រីជាទីស្រលាញ់ផ្ញើពួកគេ។

យ៉ាងណាមិញ បន្ទាប់ពីការបង្ហោះត្រូវបានចែករំលែកពាសពេញអ៊ីនធឺណិត រូបភាពរបស់គ្រួសារក្មេងស្រីបានក្លាយជារឿងដ៏អស់សំណើច រហូតមានអ្នកចុច Like ជាងមួយពាន់នាក់ និងមានអ្នកចូលស្រលាញ់ក្មេងស្រីតូចយ៉ាងច្រើន។ ជាពិសេសម្នាក់ៗសឹងមិននឹកស្មានថា នាងតូចដដែលនេះហ៊ានដើរចាប់កង្កែបតាមវាលស្រែទេ៕