អ៊ុយក្រែន ដាក់កម្លាំងយោធាតាមព្រំដែនជាមួយសម្ព័ន្ធមិត្ត រុស្ស៊ី ដើម្បីឃ្លាំ​មើលសកម្មភាពរបស់ បេឡារុស

ប្រធាននាយកដ្ឋានទីពីរនៃបណ្តាប្រទេស CIS នៅក្រសួងការបរទេសរុស្ស៊ីលោក Alexey Polishchuk បាននិយាយនៅក្នុងបទសម្ភាសន៍ជាមួយសារព័ត៌មាន TASS ថា អ៊ុយក្រែនបានដាក់ពង្រាយកងកម្លាំងយោធាពិសេសមួយនៅតាមព្រំដែនជាមួយប្រទេសបេឡារុសដែលជាសម្ព័ន្ធមិត្តរុស្ស៊ី ។

លោក Polishchuk បាននិយាយថា “ព័ត៌មានដែលយើងមាន ហើយត្រូវបានបញ្ចេញម្តងហើយម្តងទៀតនៅក្នុងសេចក្តីថ្លែងការណ៍របស់មន្ត្រីរុស្ស៊ីបង្ហាញថា កងទ័ពអ៊ុយក្រែនពិតជាបានដាក់ពង្រាយកម្លាំងសំខាន់ៗនៅតាមព្រំដែនបេឡារុស-អ៊ុយក្រែន ដើម្បីព្យាយាមស៊ើបអង្កេតសមត្ថភាពការពាររបស់បេឡារុសតាមមធ្យោបាយផ្សេងៗគ្នា” ។

អ្នកការទូតរូបនេះបានរំលឹកថា នៅក្រោមលក្ខខណ្ឌទាំងនេះ អង្គភាពបន្ថែមនៃកងកម្លាំងប្រចាំតំបន់រួមគ្នារបស់រុស្ស៊ីក៏ត្រូវបានដាក់ពង្រាយនៅក្នុងប្រទេសបេឡារុសផងដែរ ចាប់តាំងពីខែតុលា ឆ្នាំ ២០២២ មក ។

លោក Polischuk បានសង្កត់ធ្ងន់ថា “ភារកិច្ចរបស់ពួកគេគឺដើម្បីទប់ស្កាត់ពីការលុកលុយទឹកដីនៃរដ្ឋសហភាព និងដើម្បីកាត់បន្ថយហានិភ័យនៃការជ្រៀតចូលដោយក្រុមបំផ្លិចបំផ្លាញ និងក្រុមឈ្លបយកការណ៍ពីទឹកដីអ៊ុយក្រែន ឬប្រទេសជិតខាងណាតូ ។

ជាចុងក្រោយប្រធាននាយកដ្ឋានរូបនេះសង្ឃឹមថា រដ្ឋាភិបាលទីក្រុងកៀវ និងសម្ព័ន្ធមិត្តលោកខាងលិចរបស់ពួកគេ នឹងមានសុទិដ្ឋិនិយមមិនឲ្យយោធាផ្សងព្រេងដ៏គ្រោះថ្នាក់នោះទេ ហើយប្រសិនបើពួកគេបន្តសកម្មភាពបែបនេះទៀត ផលវិបាកសម្រាប់ពួកគេប្រហែលជាធ្ងន់ធ្ងរណាស់” ៕

ប្រែសម្រួលដោយ ៖ ជីវ័ន្ត

ប្រភព ៖ TASS

ចុចអាន ៖ រុស្ស៊ី ថា ប្រតិបត្តិការកម្ចាត់កងទ័ព អ៊ុយក្រែន ត្រូវបានបញ្ចប់