Connect with us

ព័ត៌មានអន្ដរជាតិ

អនាគតមនុស្សជាតិ គឺអាស្រ័យលើ ទំនាក់ទំនងចិន-អាមេរិក

បានផុស

នៅ

ក្នុងជំនួបជាមួយរដ្ឋមន្ត្រីការបរទេសអាមេរិក Antony Blinken នៅទីក្រុងប៉េកាំង កាលពីថ្ងៃចន្ទទី១៩ខែមិថុនា ប្រធានាធិបតីចិនលោក ស៊ី ជីនពីង បាននិយាយថា ទំនាក់ទំនងដែលមានស្ថិរភាពរវាងចិន និងសហរដ្ឋអាមេរិក គឺពិតជាមានសារសំខាន់ណាស់ សម្រាប់សហគមន៍អន្តរជាតិ។

លោក Antony Blinken (ឆ្វេង) ជាមួយលោក ស៊ី ជីនពីង (រូបថត៖ GETTY IMAGES)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស៊ី ប្រាប់ទៅលោក Blinken ថា “ភពផែនដី មានទំហំធំល្មមដើម្បីសម្រួលដល់ការអភិវឌ្ឍរៀងៗខ្លួន និងវិបុលភាពរួមនៃប្រទេសចិន និងសហរដ្ឋអាមេរិក ។ ពិភពលោក ចាប់អារម្មណ៍លើទំនាក់ទំនងមានស្ថិរភាព រវាងទីក្រុងប៉េកាំងនិងវ៉ាស៊ីនតោន ពីព្រោះប្រទេសទាំងពីរ អាចស្វែងរកវិធីត្រឹមត្រូវ ដើម្បីរួមរស់នាពេលអនាគត និងកំណត់ជោគវាសនារបស់មនុស្សជាតិ”។

យោងតាមលោក ស៊ី, សហគមន៍អន្តរជាតិរំពឹងថា ប្រទេសចិន និងសហរដ្ឋអាមេរិក អាចរួមរស់ជាមួយគ្នាដោយសន្តិភាព និងមានទំនាក់ទំនងមិត្តភាព ព្រមទាំងកិច្ចសហប្រតិបត្តិការ ហើយមិនចង់ជ្រើសរើសយកភាគីណាមួយឡើយ នៅក្នុងព្រឹត្តិការណ៍ផ្ទុះជម្លោះ ។

ប្រធានាធិបតីចិនបានអះអាងទៀតថា ការប្រកួតប្រជែងជាមួយទីក្រុងប៉េកាំង នឹងមិនអាចជួយទីក្រុងវ៉ាស៊ីនតោន ក្នុងការដោះស្រាយបញ្ហាក្នុងស្រុករបស់ពួកគេ ឬបញ្ហាប្រឈមដែលពិភពលោកកំពុងជួបប្រទះបាននោះទេ ។ លោកសង្កត់ធ្ងន់ថា ប្រទេសចិនគោរពផលប្រយោជន៍របស់សហរដ្ឋអាមេរិក ហើយមិនស្វែងរកការប្រកួតប្រជែង ឬផ្លាស់ប្តូរសហរដ្ឋអាមេរិកឡើយ ។

លោក Antony Blinken ជាមួយលោក ស៊ី ជីនពីង (រូបថត៖ BBC)

ស្របពេលជាមួយគ្នានោះដែរ លោក ស៊ី បានអំពាវនាវដល់សហរដ្ឋអាមេរិក ឲ្យប្រកាន់យកអាកប្បកិរិយាសមហេតុផលនិងច្បាស់ៗចំពោះប្រទេសចិន ហើយធ្វើការរួមគ្នាលើការកែលម្អទំនាក់ទំនង និងធ្វើឲ្យស្ថានភាពពិភពលោកកាន់តែមានស្ថិរភាព។

គួរបញ្ជាក់ជាថ្មីថា លោក Blinken គឺជារដ្ឋមន្ត្រីការបរទេសអាមេរិកដំបូងគេ ដែលបានជួបលោក ស៊ី ចាប់តាំងពីឆ្នាំ២០១៨មក ខណៈដំបូងឡើយ លោក Blinken គ្រោងនឹងទៅទីក្រុងប៉េកាំងនៅដើមខែកុម្ភៈ ប៉ុន្តែដំណើរនោះ ត្រូវបានពន្យារពេល ដោយសារតែរឿងអាស្រូវបាឡុងចារកម្ម៕

ប្រែសម្រួល៖ Vann Vann

ប្រភព៖ RT

ចុចអាន៖ ចិន ឲ្យអាមេរិក ជ្រើសរើសទៅ ថាតើ យកកិច្ចសហប្រតិបត្តិការ ឬជម្លោះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា២ នាទីutes មុន

ក្រសួង​អប់រំ ណែនាំ​​៣​ចំណុច​ឲ្យ​ សហព័ន្ធ​គុន​ខ្មែរ​បោះ​ឆ្នោត​ជ្រើស​រើស​ប្រធាន​ថ្មី

ព័ត៌មានជាតិ៣ នាទីutes មុន

មិត្តស្រីមហាសេដ្ឋី Bezos ស្លៀកពាក់មិនសមរម្យនៅក្នុង​ពិធី​ស្បថ​ឡើង​កាន់​តំណែងរបស់លោក ត្រាំ

ព័ត៌មានអន្ដរជាតិ៩ នាទីutes មុន

BYD គ្រោងបញ្ចប់ការសាងសងរោងចក្រផលិតរថយន្តអគ្គិសនី ១ ប៊ីលាន​ដុល្លារ នៅឥណ្ឌូណេស៊ី ចុងឆ្នាំនេះ

សន្តិសុខសង្គម២១ នាទីutes មុន

ចាក់សោផ្ទះទៅផ្សារមួយភ្លែត សង្ស័យឆ្លងចរន្តអគ្គិសនី ឆាបឆេះអស់សម្ភារៈមួយចំនួន

ព័ត៌មានអន្ដរជាតិ២៤ នាទីutes មុន

តម្លៃមាសអន្តរជាតិកើនឡើង ដោយ​ ត្រាំ មិនសូវគឃ្លើនចំពោះគោលនយោ​បាយពន្ធ ពេលស្បថចូលកាន់តំណែង

Sokha Hotels

ព័ត៌មានពេញនិយម