ព័ត៌មានអន្ដរជាតិ

ទីបំផុត កម្មកររ៉ែមាសចិនដែលជាប់ក្រោមដី ១៤ ថ្ងៃត្រូវបានជួយសង្គ្រោះ (មានវីដេអូ)

បានផុស

៤ years មុន

នៅ

ថ្ងៃចន្ទ ២៥ មករា ២០២១

ដោយ

ក្រុមអ្នកជួយសង្គ្រោះចិនបានជួយសង្គ្រោះ និងទាញអ្នករុករករ៉ែមាសចំនួន ១១ នាក់ទៅកាន់ទីសុវត្ថិភាពកាលពីថ្ងៃអាទិត្យដោយភាគច្រើនស្ថិតក្នុងស្ថានភាពល្អប្រសើរ បន្ទាប់ពីជាប់នៅក្រោមដីរយៈពេល ១៤ ថ្ងៃក្រោយការផ្ទុះមួយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះកម្មករ ១០ នាក់ផ្សេងទៀតនៅតែមិនទាន់ត្រូវបានគេដឹងនៅឡើយ ខណៈកម្មករម្នាក់បានស្លាប់ដោយសាររបួសក្បាលធ្ងន់ធ្ងរ ។

រូបភាពពីទូរទស្សន៍បានបង្ហាញថា កម្មកររ៉ែដំបូងដែលត្រូវបានគេនាំមកផ្ទៃខាងលើនៅពេលព្រឹកព្រលឹមគឺរួមជាមួយនឹងការបិទភ្នែកដោយក្រណាត់ខ្មៅដើម្បីការពារពន្លឺ ។

ទូរទស្សន៍ CCTV បានរាយការណ៍នៅលើគេហទំព័រ Weibo របស់ខ្លួនថា អ្នករុករករ៉ែគឺមានសភាពទន់ខ្សោយណាស់ ។ ក្រុមអ្នកជួយសង្គ្រោះបានរុំបុរសជាមួយនឹងភួយ ហើយនាំគាត់ទៅមន្ទីរពេទ្យដោយរថយន្តសង្គ្រោះបន្ទាន់ ។

ការផ្ទុះកាលពីថ្ងៃទី ១០ ខែមករាក្នុងអណ្តូងរ៉ែមានស Hushan នៅទីក្រុង Qixia ដែលជាតំបន់ផលិតមាសដ៏ធំមួយស្ថិតនៅក្រោមការគ្រប់គ្រងរបស់ទីក្រុង Yantai នៅខេត្ត Shandong បានធ្វើឲ្យកម្មករ ២២ នាក់ជាប់នៅក្រោមដីចម្ងាយប្រហែល ៦០០ ម៉ែត្រ ខណៈមានការចូលរួមពីក្រុមអ្នកជួយសង្គ្រោះជាង ៦០០ នាក់ ។

អណ្តូងរ៉ែរបស់ប្រទេសចិនស្ថិតក្នុងចំណោមប្រទេសដែលមានគ្រោះថ្នាក់បំផុតនៅលើពិភពលោក ។ អាជ្ញាធរជាតិសុវត្ថិភាពអណ្ដូងរ៉ែបានឲ្យដឹងថា អាជ្ញាធរបានកត់ត្រាអ្នកស្លាប់ទាក់ទងនឹងអណ្ដូងរ៉ែចំនួន ៥៧៣ នាក់នៅក្នុងឆ្នាំ ២០២០ ៕

សូមទស្សនាវីដេអូ!