ព័ត៌មានអន្ដរជាតិ
តើទ្វីបណា ឡើងកម្តៅលឿនបំផុត លើពិភពលោក?
យោងតាមរបាយការណ៍ថ្មីមួយបានបង្ហាញថា ទ្វីបអឺរ៉ុប ត្រូវប្រឈមមុខនឹងរលកកម្តៅកាន់តែកាចសាហាវ ដែលបង្កឡើងដោយបម្រែបម្រួលអាកាសធាតុ។ អឺរ៉ុបមានការឡើងកម្តៅលឿនបំផុតលើពិភពលោក ពោលគឺកាលពីឆ្នាំមុន ទ្វីបនេះ ឡើងកម្តៅលើសកម្រិតមធ្យម ២.៣ អង្សាសេ។

បើគិតជាមធ្យមក្នុងរយៈពេល៣០ឆ្នាំ រាប់ចាប់ពីឆ្នាំ១៩៩១ដល់ឆ្នាំ២០២១, សីតុណ្ហភាពនៅទូទាំងទ្វីបនេះ បានកើនឡើង ១.៥ អង្សាសេ ។
គ្រោះរាំងស្ងួតធ្ងន់ធ្ងរ សីតុណ្ហភាពលើផ្ទៃសមុទ្រក្នុងកម្រិតខ្ពស់ និងការរលាយទឹកកកក្នុងល្បឿនមិនធ្លាប់មានពីមុនមក គឺស្ថិតក្នុងចំណោមផលវិបាក ដែលត្រូវបានកត់ត្រានៅក្នុងរបាយការណ៍របស់អង្គការឧតុនិយមពិភពលោក (WMO) និងទីភ្នាក់ងារផ្លាស់ប្តូរអាកាសធាតុ Copernicus របស់សហភាពអឺរ៉ុប។
ទ្វីបនេះ បានជួបប្រទះរដូវក្តៅក្តៅបំផុតក្នុងកំណត់ត្រាកាលពីឆ្នាំមុន ដោយប្រទេសមួយចំនួនរួមមានបារាំង អាល្លឺម៉ង់ អ៊ីតាលី ព័រទុយហ្គាល់ អេស្ប៉ាញ និងចក្រភពអង់គ្លេស កំពុងតស៊ូនឹងឆ្នាំក្តៅបំផុតក្នុងកំណត់ត្រា។

កម្តៅពិភពលោកទាំងមូល បានឡើងលើសមធ្យមជិត ១.២ អង្សាសេ ចាប់តាំងពីពាក់កណ្តាលទសវត្សរ៍ឆ្នាំ១៨០០ ជាហេតុបង្កឲ្យមានព្រឹត្តិការណ៍អាកាសធាតុកាចសាហាវ រួមទាំងរលកកម្តៅកាន់តែខ្លាំង គ្រោះរាំងស្ងួតកាន់តែធ្ងន់ធ្ងរនៅក្នុងតំបន់មួយចំនួន និងព្យុះសាហាវៗផងដែរ។
អគ្គលេខាធិការ WMO លោក Petteri Taalas និយាយថា នៅទ្វីបអឺរ៉ុប សីតុណ្ហភាពខ្ពស់បានធ្វើឲ្យស្ថានភាពគ្រោះរាំងស្ងួតកាន់តែធ្ងន់ធ្ងរទៅៗ បង្កជាភ្លើងឆេះព្រៃខ្លាំងក្លា និងបណ្តាលឲ្យមនុស្សរាប់ពាន់នាក់ស្លាប់។
កម្តៅដ៏ធ្ងន់ធ្ងរក្នុងទ្វីបនេះ បានបណ្តាលឲ្យមនុស្សជាង ១៦,០០០ នាក់ស្លាប់កាលពីឆ្នាំមុន ខណៈ ទឹកជំនន់ និងខ្យល់ព្យុះ បានបង្កការខូចខាតដល់វិស័យសេដ្ឋកិច្ចក្នុងទំហំទឹកប្រាក់ ២ ពាន់លានដុល្លារអាមេរិក៕
ប្រែសម្រួល៖ Vann Vann
ប្រភព៖ CNA
ចុចអាន៖ ត្រឹម២រដ្ឋនៅឥណ្ឌា មានមនុស្សស្លាប់ដល់ទៅជិត១០០នាក់ ដោយសាររលកកម្តៅ

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៩ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ