ព័ត៌មានអន្ដរជាតិ

រកឃើញព័ស្តុតាងពីការធ្វើចំណាកស្រុកដំបូងរបស់មនុស្សសម័យទំនើបក្នុងល្អាងភ្នំនៅ ឡាវ

បានផុស

២ years មុន

នៅ

ថ្ងៃអង្គារ ២០ មិថុនា ២០២៣

ដោយ

បំណែកលលាដ៍ក្បាលដែលមានអាយុ ៧៣,០០០០ ឆ្នាំ រួមទាំងឆ្អឹងក្បាលដែលមានអាយុ ៨៦,០០០ឆ្នាំ ត្រូវបានគេរកឃើញនៅក្នុងរូងភ្នំមួយនៅលើភ្នំអណ្ណាម ភាគឦសានប្រទេសឡាវ ជាព័ស្តុតាងចុងក្រោយបង្អស់បង្ហាញថា មនុស្សសម័យទំនើបបានធ្វើចំណាកស្រុកចេញពីទ្វីបអាហ្វ្រិក ហើយបានមកដល់អាស៊ីអាគ្នេយ៍លឿនជាងការរំពឹងទុក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមអ្នកបុរាណវិទ្យាអន្តរជាតិដែលដឹកនាំដោយលោកបណ្ឌិត Fabrice Demeter មកពីសាកលវិទ្យាល័យ Copenhagen ក្នុងប្រទេសដាណឺម៉ាកបានបញ្ជាក់ថា ការរកឃើញនេះត្រូវបានចុះផ្សាយក្នុងទស្សនាវដ្ដី Nature Communications។ លោកបាននិយាយថា ហ្វូស៊ីលត្រូវបានរកឃើញនៅគុហា Pa Ling ក្នុងខេត្ត Huaphan ប្រទេសឡាវ ស្ថិតនៅលើភ្នំមួយពីលើនីវ៉ូទឹកសមុទ្រដល់ ១,១៧០ ម៉ែត្រ។

ពីមុនក្នុងឆ្នាំ ២០១៨ ឆ្អឹងហ្វូស៊ីលរបស់មនុស្សបុរាណត្រូវបានរកឃើញអាយុប្រហែល ៧០,០០០ ឆ្នាំនៅក្នុងរូងភ្នំដូចគ្នា។ របកគំហើញចុងក្រោយបង្អស់ផ្តល់ភស្តុតាងថ្មីដែលបង្ហាញថា មានប្រជាជនដែលបានធ្វើចំណាកស្រុកពីទ្វីបអាហ្រ្វិកទៅអាស៊ី ហើយបន្តទៅភាគខាងត្បូង។ រហូតមកដល់ទឹកដីនេះជាក្រុមទីមួយក្នុងពេលវេលាលឿនជាងអ្នកបុរាណវត្ថុវិទូបានរំពឹងទុករាប់ពាន់ឆ្នាំ។

ទោះយ៉ាងណាក៏ដោយ សម្ភារៈហ្សែន ឬការវិភាគ DNA បង្ហាញថា អ្នករូងភ្នំទាំងនេះមិនមែនជាបុព្វបុរសនៃប្រជាជនអាស៊ីអាគ្នេយ៍សម័យទំនើបនោះទេ។ នេះក៏បង្ហាញថា ពួកគេអាចជាចំនួនប្រជាជនត្រួសត្រាយបរាជ័យ ឬមនុស្សដែលបានមកដល់ទឹកដីនេះជាលើកដំបូង។ ប៉ុន្តែមិនបានជោគជ័យក្នុងការតាំងទីលំនៅ និងបង្កើនចំនួនប្រជាជននោះទេ។ រហូតដល់ពួកគេទាំងអស់ត្រូវបាត់ខ្លួន និងស្លាប់នៅទីបញ្ចប់។

លោកវេជ្ជបណ្ឌិត Demeter បានពន្យល់ដូច្នេះ “បន្ទាប់ពីសង្គ្រាមលោកលើកទីពីរ ស្ទើរតែគ្មានការស្រាវជ្រាវផ្នែកនរវិទ្យាដែលបានធ្វើឡើងនៅក្នុងប្រទេសឡាវ។ នេះធ្វើឲ្យការរកឃើញនេះមានសារៈសំខាន់ខ្លាំងណាស់។ ជាពិសេសវាគឺជាតម្រុយនៃការធ្វើចំណាកស្រុករបមនុស្សពីទ្វីបអាហ្រ្វិកទៅកាន់អាស៊ី និងអូស្ត្រាលី។

អ្នកជំនាញខ្លះនិយាយ មានភស្តុតាងនៃអន្តោប្រវេសន៍បរាជ័យ។ នេះជាការពិត ជាពិសេសសម្រាប់ប្រជាជនតិចតួចនៅតាមដងផ្លូវជាច្រើនជុំវិញពិភពលោក។ ដែលព្រឹត្តិការណ៍ 0ទាំងនេះកើតឡើងជាញឹកញាប់ មុនពេលការធ្វើចំណាកស្រុកដ៏ធំចេញពីទ្វីបអាហ្រ្វិក ដូចដែលយើងដឹងគឺប្រហែល ៦០,០០០ ឆ្នាំមុន៕