ព័ត៌មានអន្ដរជាតិ
អ្នកជំនាញសន្និដ្ឋានថា យានជ្រមុជទឹក Titan អាចផ្ទុះ ហើយមនុស្សជិះក្នុងនោះ ស្លាប់យូរហើយ
អ្នកមុជទឹកដែលមានបទពិសោធន៍ចុះទៅជ្រៅក្នុងមហាសមុទ្រ ដើម្បីមើលខ្មោចកប៉ាល់ Titanic បានសន្និដ្ឋានថា យានជ្រមុជទឹក Titan ដែលបាត់ខ្លួនកាលពីថ្ងៃអាទិត្យ អាចនឹងផ្ទុះនៅផ្ទៃខាងក្រោមជម្រៅជាង៣០០០ម៉ែត្រ។
លោក Michael Harris បានប្រាប់ទូរទស្សន៍ Fox News ថា គាត់មិនមានសុទិដ្ឋិនិយមថា ពួកគេនឹងត្រូវជួយសង្គ្រោះបានឡើយ ហើយជឿថា កងទ័ពជើងទឹកសហរដ្ឋអាមេរិក មិនអាចធ្វើអ្វីបាននោះទេនៅពេលនេះ។
លោកនិយាយថា “ស្ថានភាពដ៏អាក្រក់បំផុតនោះគឺថា មានអ្វីកើតឡើងចំពោះយានជ្រមុជទឹក ហើយការភ័យខ្លាចរបស់យើងគឺថា វាបានផ្ទុះក្នុងជម្រៅប្រហែល ៣២០០ម៉ែត្រ ហើយអ្នកជិះក្នុងនោះ ស្លាប់យូរមកហើយ”។
នៅជម្រៅទាំងនោះ ទម្ងន់ទឹកនឹងបញ្ចេញសម្ពាធខ្លាំងទៅលើយានដែលបាត់ខ្លួន ចរន្តរបស់វាត្រូវបានកាត់ផ្តាច់ ជាហេតុធ្វើឲ្យតួយានត្រូវផ្ទុះ។ ពេលដែលវាផ្ទុះ គ្មានអ្វីត្រូវសង្ស័យឡើយ មនុស្សទាំង៥ត្រូវតែស្លាប់។
ទោះបីជាយ៉ាងណាក៏ដោយ នេះគ្រាន់តែជាការសន្និដ្ឋានរបស់អ្នកជំនាញម្នាក់ប៉ុណ្ណោះ។ យ៉ាងណាមិញ ឆ្មាំសមុទ្រអាមេរិកបានបញ្ជាក់ថា ទោះពេលនេះអ្នកទាំងនោះនៅរស់មែន ប៉ុន្តែពួកគេនៅសល់ខ្យល់ដកដង្ហើមបានត្រឹម៤០ម៉ោងទៀតប៉ុណ្ណោះ។
នាវាជាច្រើន បូករួមទាំងយានក្រោមទឹកដែលដំណើរការពីចម្ងាយ (ROV) ផងដែរ ត្រូវបានដាក់ពង្រាយនៅកន្លែង និងមានបំពាក់កាមេរានៅលើនោះ ក្នុងប្រតិបត្តិការស្វែងរកគ្របដណ្តប់លើផ្ទៃសមុទ្រទំហំ ១៩៦៨៣គីឡូម៉ែត្រការ៉េ។
ក្រុមការងារមួយ ក៏ត្រូវបានបង្កើតឡើងផងដែរ ដែលមានការចូលរួមពីអ្នកជំនាញមកពីឆ្មាំឆ្នេរសមុទ្រសហរដ្ឋអាមេរិក កងទ័ពជើងទឹកសហរដ្ឋអាមេរិក កងកម្លាំងប្រដាប់អាវុធកាណាដា និងឆ្មាំរបស់ក្រុមហ៊ុន Ocean Gate Expeditions ដែលជាម្ចាស់របស់យានជ្រមុជទឹក Titanផ្ទាល់។
គួរបញ្ជាក់ជាថ្មី យានជ្រមុជទឹក Titan បានបាត់ខ្លួនប្រហែលមួយម៉ោង និង ៤៥នាទី ពេលវាចេញដំណើរ ទៅមើលខ្មោចកប៉ាល់ Titanic កាលពីថ្ងៃអាទិត្យទី១៨ខែមិថុនា។
មនុស្ស៥នាក់ដែលជិះក្នុងនោះមានដូចជាមហាសេដ្ឋីជនជាតិប៉ាគីស្ថានឈ្មោះ Shahzada Dawood និងកូនប្រុសវ័យជំទង់របស់គាត់ឈ្មោះ Sulaiman Dawood, មហាសេដ្ឋីជនជាតិអង់គ្លេសឈ្មោះ Hamish Harding, អ្នករុករកបារាំងដែលល្បីជាសកលឈ្មោះ Paul-Henri Nargeolet និងនាយកប្រតិបត្តិក្រុមហ៊ុន OceanGate តែម្តង ឈ្មោះ Stockton Rush៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ មនុស្ស៥នាក់ក្នុងយានជ្រមុជទឹក Titan នៅសល់ខ្យល់ដកដង្ហើមត្រឹម ៤០ម៉ោងទៀតប៉ុណ្ណោះ
សមត្ថកិច្ចចេញបទបញ្ជា និងចុះណែនាំអ្នកលក់ អ្នកលេងផាវ កាំជ្រួច នាឱកាសចូលឆ្នាំប្រពៃណីចិនខាងមុខ
មកដឹងចំណុចពិសេសនៃទេពកោសល្យច្រៀងរបស់ ព្រាប សុវត្ថិ
សហជីព កម្មករ និងពលរដ្ឋ ៖ បើគ្មានថ្ងៃជ័យជម្នះ៧មករា ពួកគាត់គ្មានឱកាសទទួលបានការងារសមរម្យឡើយ
រុស្ស៊ីផ្ដល់អាហារូបករណ៍៣កន្លែងសម្រាប់ជំនាញទាក់ទងនឹងនុយក្លេអ៊ែរស៊ីវិលដល់និស្សិតកម្ពុជា
ក្រោយជាប់គុក២៥ឆ្នាំ ទើបតុលាការរកឃើញថា ភស្តុតាងមិនស៊ីគ្នា
តារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
សមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី
អ្នកសិល្បៈ តក់ស្លុត និងសោកស្តាយនូវការបាត់បង់ តារា Rapper RuthKo ជួបគ្រោះថ្នាក់ចរាចរណ៍យប់មិញ
បិទចរាចរណ៍នៅកំពង់ចម្លងជ្រោយចង្វារ កំពង់ចម្លងអរិយក្សត្រ និងកំណាត់ផ្លូវមួយចំនួន ជុំវិញមហោស្រពកោះពេជ្រ ស្អែកនេះ
មកដឹងពីជីវិតសិល្បៈត្រួសៗរបស់ Rapper ល្បីឈ្មោះ Ruthko
-
ព័ត៌មានជាតិ៤ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍១៩ ម៉ោង agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៥ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
ព័ត៌មានជាតិ៤ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
សេដ្ឋកិច្ច៥ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
ព័ត៌មានជាតិ៤ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
សេដ្ឋកិច្ច៥ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
កីឡា៤ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ