ព័ត៌មានអន្ដរជាតិ

ផ្ទុះការសរសើរទឹកចិត្តឪពុកខំបំពេញក្តីស្រមៃឲ្យកូនស្រី ខណៈឆ្កែដើរតួជាអ្នកជំងឺដំបូង

បានផុស

២ years មុន

នៅ

ថ្ងៃពុធ ២១ មិថុនា ២០២៣

ដោយ

ឃ្លិបវីដេអូរបស់បុរសម្នាក់បានផ្ទុះការសរសើរពេញបណ្ដាញសង្គមចិន ក្រោយបំពេញក្ដីស្រមៃឲ្យកូនស្រីដែលចង់ក្លាយជាវេជ្ជបណ្ឌិត ដោយរូបលោកប្រើក្រដាសកាតុងមកធ្វើជាសម្ភារៈពេទ្យ និងថែមទាំងមានសត្វចិញ្ចឹមដើរតួនាទីធ្វើជាអ្នកជំងឺដំបូងរបស់នាងទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈគណនីបុរសម្នាក់លើ douyin បានចែករំលែកវីដេអូរបស់គាត់ផលិតឧបករណ៍ពេទ្យធ្វើពីក្រដាសកាតុងសម្រាប់កូនស្រីរបស់គាត់លេងជាពេទ្យសត្វម្នាក់ដែលព្យាបាលឆ្កែនៅផ្ទះ។ រឿងនេះបានកើតឡើងនៅក្នុងខេត្ត Jiangsu ប្រទេសចិន ដែលក្មេងស្រីតូចម្នាក់នេះឈ្មោះ Momo អាយុ ៥ឆ្នាំ បានឃើញ CT Scan ជាលើកដំបូងកាលពីនាងអាយុ ៤ឆ្នាំ នៅពេលដែលនាងទៅពិនិត្យសុខភាពប្រចាំឆ្នាំ។ បន្ទាប់មក នាងតូចស្រាប់តែចូលចិត្តនិងចង់បានវា ដូច្នេះហើយ ឪពុកបានសម្រេចក្តីសុបិនរបស់កូនស្រីគាត់ ដោយបង្កើតម៉ាស៊ីនស្កេន CT ពីក្រដាសកាតុងធ្វើកេស។

ជាមួយគ្នានោះដែរ ឪពុករបស់ក្មេងស្រីបានបញ្ចាក់ទៀតថា ដោយសារកូនរបស់គាត់ចង់បាន ម្យ៉ាងវិញទៀតនាងមានក្តីសុបិនចង់ធ្វើជាវេជ្ជបណ្ឌិត ស្របពេលដែលក្នុងគ្រួសារគាត់មានសត្វចិញ្ចឹមនៅក្នុងផ្ទះស្រាប់ ក៏យកវាធ្វើជាអ្នកជំងឺដំបូងរបស់កូនស្រីតែម្ដង។

យ៉ាងណាមិញបន្ទាប់ពីវីដេអូឃ្លិបរបស់លោក ត្រូវបានគេចែករំលែក វាក្លាយវីដេអូឃ្លិបដែលនាំមកនូវស្នាមញញឹមដល់អ្នកនិយមលេងអ៊ីនធឺណិតជាច្រើននាក់។ ក្នុងនោះក៏មានការសរសើរដល់ទឹកចិត្តរបស់លោក ក្នុងនាមជាឪពុកមួយរូបយល់ពីទំហំនៃអារម្មណ៍ដែលកូនស្រីស្រលាញ់។ ជាពិសេសនោះគឺសត្វឆ្កែដ៏គួរឲ្យស្រលាញ់របស់សមាជិកគ្រួសារនេះពិតជាគួរឲ្យកោតសរសើរយ៉ាងខ្លាំង៕