ព័ត៌មានអន្ដរជាតិ

ប្ដីប្រពន្ធមួយគូរស់នៅ ៤ ឆ្នាំ ទើបដឹងថាក្នុងផ្ទះខ្លួនឯងមានកំណប់រាប់លានដុល្លារ

បានផុស

២ years មុន

នៅ

ថ្ងៃព្រហស្បតិ៍ ២២ មិថុនា ២០២៣

ដោយ

ប្ដីប្រពន្ធមួយគូនៅសហរដ្ឋអាមេរិកបានទិញផ្ទះអស់រយៈពេលជាង៤ឆ្នាំ ក្រោយមកទើបដឹងថាចោរលួចទ្រព្យសម្បត្តិអ្នកជិតខាងមកលាក់ទុកក្នុងសួនច្បារពួកគេ បន្ទាប់ពីអ្នកទាំងពីរបម្រុងជីកដីដាំដំណាំនៅក្រោយផ្ទះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍បានឲ្យដឹងថា Matthew និង Maria ដែលជាប្ដីប្រពន្ធរស់នៅកោះ Staten ទីក្រុងញូវយ៉ក កំពុងដាំដើមឈើនៅសួនច្បារខាងក្រោយរបស់ពួកគេ។ គាត់បានរកឃើញប្រអប់ដែកច្រែះមួយកប់ក្នុងដី។ នៅពេលបើកប្រអប់ មានការភ្ញាក់ផ្អើលយ៉ាងខ្លាំង ក្រោយឃើញក្រដាសប្រាក់ ១០០ ដុល្លារមានពេជ្រ មាស និងគ្រឿងអលង្ការនៅក្នុងកាបូបដាច់ដោយឡែក។ បន្ទាប់ពីរាប់រួច ពួកគេបានគណនាតម្លៃសរុបនៃទ្រព្យសម្បតិ្តដែលពួកគេបានរើសដោយចៃដន្យគឺមានចំនួនដល់ទៅ ៥២,០០០ដុល្លារ។

ពេលពិនិត្យយ៉ាងយកចិត្តទុកដាក់ក្នុងប្រអប់កំណប់ បានរកឃើញថានៅខាងក្នុងប្រអប់មានក្រដាសតូចមួយ ជាមួយនឹងអាសយដ្ឋានផ្ទះ គ្រាន់តែឃើញគេភ្លាមដឹងថាជាផ្ទះអ្នកជិតខាង។ ដូច្នេះបានសម្រេចចិត្តសួរព័ត៌មានបន្ថែម ដោយប្តីបាននិយាយ “ខ្ញុំគោះទ្វារសួរថា តើធ្លាប់ត្រូវគេប្លន់ឬអត់? អ្នកជិតខាងឆ្លើយថាបាទ”។

ជាការឆ្លើយតបនឹងរឿងនេះ នាយកដ្ឋានប៉ូលិសញូវយ៉ក បាននិយាយថា ឆ្នាំ២០១១ មានរបាយការណ៍ចោរកម្មដូចក្នុងក្រដាស ដោយប្លន់យកទ្រព្យសម្បត្តិចំនួន ៥២,០០០ ដុល្លារ ខណៈឈ្មោះហៅក្រៅរបស់ជនសង្ស័យចោរ Ninja។

ទោះជាយ៉ាងនេះក្តី រឿងនេះបានកើតមានជាយូរណាស់មកហើយ មិនទាន់មានការបញ្ជាក់ពីសមត្ថកិច្ចនៅឡើយ ទើបធ្វើឲ្យក្រុមគ្រួសារអ្នកជិតខាងចេញមុខបកស្រាយថា ទ្រព្យសម្បតិ្តជាច្រើនរបស់ពួកគាត់ មិនអាចយកមកវិញបានឡើយ។ ដោយមិននឹកស្មានដល់ Matthew និង Maria នឹងនាំយកទ្រព្យសម្បត្តិមកឲ្យពួកគេវិញនោះទេ។ មុននឹងប្រគល់ទ្រព្យសម្បត្តិទៅម្ចាស់ពិតប្រាកដ មានគេសួរថាហេតុអ្វីបានជាប្រគល់កំណប់ដែលរកឃើញក្នុងផ្ទះខ្លួនឯងឲ្យទៅគេវិញ Matthew បានឆ្លើយថា វាមិនមែនជារបស់យើងតាំងពីដំបូងឡើយ៕